Bayani Akan Cutar Sarke Hakora

Bayani A Kan Ciwon Sarke Hakora (Tetanus) 

Ciwon sarke hakora ko tatanas kamar yadda wasu suka fi sanin sa da shi, shi ma nau’in ciwo ne da kan iya kama kowa, manya da yara, kuma kwayoyin cuta na bacteria da ake kira Clostridium tetani ke haddasa shi, kuma suna nan a kowane yanki na duniya.

Su wadannan kwayoyin cuta a cikin kasa suka fi rayuwa, amma iska kan kwashe su su bazu, wasu su hau fatar jiki. Idan suka samu suka shiga jiki sai su rika samar da wata guba da kan kama jijiyoyin jiki, su hana wurin motsi.

An yi kiyasin cewa duk shekara wannan ciwo na halaka mutane kusan dubu dari uku, yawancinsu jarirai, musamman a kasashe irin namu.

Yadda ake kamuwa da ciwon sarke hakora:
kwayoyin za su iya shiga jiki ne yayin da mutum ya ji rauni komi kan kantarsa (ko yanka ko kujewa ko gyambo ko kuna ko cizon wata dabba), idan  ba a dauki matakin kariya ba.

Jariri kan iya dauka a jikin abin da aka yanke cibi da shi, in ba mai tsabtaba ne. Bayan kamar kwanaki hudu zuwa mako biyu da yankan cibi ko yin rauni, gubar da kwayoyin cutar ke saki ta fara barna, za a ga jariri yana ta amai da zazzabi da yawan kuka da kin karbar mama. Wadannan su ne alamu na farko, in ba a dau matakin kai wa asibiti ba, za a ga wani bangare na jikin jariri ko kuma duk jikin gaba daya yana jijjiga, ko yana sandarewa.

A manya kuwa za a fara jin mukamukai sun cije, hakora sun sarke, sai wuya ya sandare, a kasa hadiyar ruwa ko abinci, sanadiyar wannan guba ta kwayoyin cutar. In ba a dauki mataki ba, haka za a ga duk jiki ya sandare daga sama zuwa kasa, wato daga kai har zuwa kafa, mara lafiya na bankarewa.

Kashi 40 zuwa 80 cikin dari na masu wannan karkarwa da sandarewa ba sa kai labari ko an je asibiti.

Hanyoyin kariya daga wannan ciwo: Allurar riga-kafin kamuwa da ciwon sarke hakora ita ce hanyar da aka tabbatar za ta kare kamuwa daga wannan ciwo.
Saboda haka:

1. Kowa da kowa ya samu a yi masa allurar riga-kafin sarke hakora akalla sau daya a cikin shekaru goma.

2. Mata masu ciki su rika zuwa awo domin a wurin ne ake ba da allurar riga-kafin wannan ciwo. Jaririn da ke ciki kan samu nasa rabon ta mahaifa.

3. A kai yara daga wata biyu ga cibiyoyin riga-kafi, a basu wannan allura, a sake komawa in sun kai wata hudu da wata shida, sannan duk yara daga shekaru 3-7 domin su suka fi yin rauni a yau da kullum ba tare da iyaye sun sani ba.

4. Idan yaro ko wani babba ya yi rauni, bayan zuwa asibiti an wanke ciwon, an ba da magunguna, to a tabbata an karbi allurar tatanas don yin riga-kafi.

5. A tabbatar ungozoma mai karbar haihuwa a gida tana amfani da sabuwar reza ko aska wajen yanke cibi, ba tsohuwar reza ko aska ba, domin ko tafasa reza da askar baya kashe kwayar cutar tatanas.

6. Manoma su yawaita zuwa karbar wannan allura, su kuma rika amfani da takalmin ruwa irin na roba domin wani zubin sukan yi rauni da lauje ko fartanya ba tare da ma sun sani ba.

7. A yi hanzarin kai jariri mai yin jijjiga ko mai nuna alamomin da aka zayyana a sama asibiti mafi kusa, ko da mai gida ba ya kusa, musamman in a gida aka haifi jaririn.

8. A yi hanzarin kai duk wani babba da hakoransa ko mukamukansa suka cije, ya kasa magana ko cin abinci asibiti mafi kusa.

Allah ya kara mana lafiya.

Bincike Da Yadawa:

Gidauniyar Musulunci Ta Al'azmiyya 

(Al'azmiyya Islamic Foundation Kano) 

Bayani Game Da Cutar Sankarar Mama

Bayani Game Da Cutar Sankarar Mama

Menene sankaran mama?

Sankaran mama na afkuwa ne a yayin da kwayoyin halittar jikin mama suka fara girma a kan kansu ba tare da jiki ya umarce su ko ya bukace su da su yi haka ba.

Me yake jawo sankaran mama?
Mutane da dama sukan so su san abinda yake jawo wannan cuta ta sankaran mama.  Har ma sukan tambayi kansu, me yasa na gamu da wannan cuta?  Ko me ya sa matata ko kanwata ko ya ta ko kawata ta gamu da wannan cuta?  Ko akwai wani abu da na yi ko suka yi, da ya kamata su yi, ko na yi, da banyi ba, ko basu yi ba domin kare kai na ko kansu daga wannan cuta?.

Babu wani sanannen dalili da za a iya kawowa kai tsaye wanda za a ce shi yake kawo wannan cuta.  Sai dai akwai wasu dalilai da sukan sanya wannan cuta ta fi saurin kama wasu matan a maimakon wasu.  Waɗannan dalilai su ne:

Shekaru – karfin zaton kamuwar mace da sankaran mama, yana karuwa ne da yawan shekarun mace.

Sinadarin iyistirogin – Yawan Sinadarin iyistirogin da yake jikin mace. Shi wannan sinadari na iyistirogin yana ɗaya daga cikin sinadaran da jikin mace ya kunsa kuma yana da kyau a ce jikin mace yana  da wannan sinadari isashshe. Sai dai kuma bai kamata a ce jiki yana fitar da shi ba tare da hutu ba.

Wannan hutun yana zuwa ne a lokacin da mace take da ciki ko take shayarwa. Don haka  dalilan da suke haifar da kasancewar sinadarin iyistirojin a jiki suna jefa jiki cikin haɗarin kamuwa da cutar sankaran mama.  

Daga ciki akwai fara jinin al’ada da wuri (kafin a kai shekara goma sha biyu), yin al’ada har a wuce shekara hamsin da biyar, rashin haihuwa, da kuma jinkirin haihuwa da wuri har a wuce shekara talatin.  Waɗannan abubuwa ba yin kanmu ba ne, kuma za a iya saisaita yawan wannan sinadari a jiki ta hanyar shan magungunan hana ɗaukar ciki da na sa haihuwa da sauransu.

Girman Jiki da sura- Mace mai tsaho da mace mai kiba ta fi faɗawa hadarin kamuwa da wannan cuta.  Matan da sukayi kiba kuma basu rame ba har bayan sun daina jinin al’ada haɗarin kamuwarsu da sankaran mama yafi yawa. Haka kuma komai shekarun mace, wanda suke da tarin kitse a tumbin su ko kuma a kugun su suma hadarin kamuwarsu da sankaran mama yafi yawa

Tarihin cuta a cikin ‘yan uwa – Macen da a cikin yan uwanta an taɓa samun wata kamar mahaifiyarta, ko yarta, ko ‘yarta ta tana da wannan cuta, ta fi fadawa haɗarin kamuwa da wannan cuta.

Tarihin Kamuwa da cutar Sankaran mama: Macen da cutar  sankara ta taɓa kama ta a mamanta guda ɗaya, cutar za ta iya kama ɗaya maman ma

Wasu cututtukan mama da ba sankara ba: Wasu matan da aka taɓa cire musu tsiro a mamansu wanda likita ya ce musu ba sankara bane.  Dole sai suna zuwa a na duba wannan mama akai-akai domin irin wannan tsiro  zai iya juyawa ya koma cutar sankara daga baya

Akwai tabbacin cewa kamuwa da cutar sankaran mama ba laifin mutum ba ne. Bata da alaka wacce take kai tsaye da abincin da muke ci, kuma ba cuta bace mai kwayoyi da za’a iya kamuwa dasu ba.  Haka kuma ba a daukar ta ta hanyar jima’i, ko ta hanyar hulda da wanda yake da wannan cuta.

Ta ya ya ake gane sankaran mama?

Abu na farko da za a fara lura a tabbatar da cewa jiki ya kamu da cutar sankaran mama shine samuwar wani dan tsiro a cikin nonon maras ciwo.
Shi wannan tsiro za a ji shi kamar kurjin maruru sai dai ba ya  ciwo.  Duk macen da ta ji irin wannan a jikin mamanta sai ta garzaya wajen likitanta nan take. Dole ne a cire duk ilahirin irin wannan tsiron sannan a gwada a asibiti.
Maman da cutar sankara ta fara kamashi in an kalle shi a ido ba za a ga wani canji ba, haka kuma a jiki ma ba za a ji komai ba.  Ba ya kawo ciwo, baya sa zazzabi, amai, gudawa ko rashin cin abinci kuma ba ya hana ayyukan yau da kullum.  Ba lallai ba ne a ce kin taɓa ganin ko jin labarin cutar ba, domin mai yiwuwa ne a ce bata taɓa kama wata yar uwarki ba ko wadda kika sani.  A wannan mataki na farkon shigar wannan cutar akwai fatan cewa in dai aka yi maganin wannan cutar za a iya warkar da ita.

Sankaran mama kuma tana iya farawa  ta hanyar fitowar ciwo a kan mama ko fatar da ta zagaye kan maman.

A wasu matan kuma, kan nonon ne zai fara shigewa ciki. Za’a ga mazaunin sa ba daya yake dana ɗaya ɓangaran ba.

Idan aka kyale tsiron, ci gaba zai yi tayi da girma. Zai iya girma daga cikin maman har ya ratso fatar maman ya zamo gyambo (ciwo) wanda yake fitar da ruwa  da jinni mai wari, kuma ba zai warke ba sai anyi maganin wannan cuta.

A sa’ar da wannan cuta ta cigaba da bunkasa, ta kan bazu zuwa wasu sassa na jiki kamar kwakwalwa, hunhu, kasussuwa da hanta ta wata hanya da ake kira (Metastasis) da turanci.  Ita wannan bazuwar zuwa ga wadannan gabobin ne ke cutarwa, kuma da zarar hakan ta faru, duk da cewa bayar da magani ya zama dole, samun waraka abu ne mai wahala. 

Za  a iya gane irin wannan buzuwar cutar ta hanyar samuwar tari, haki, kumburin ciki, ciwo a kasussuwa musamman ma baya, rashin karfin kafafu da rashin iya motsa su.

Shin za a iya gane cutar sankaran mama da wuri?

Za’a iya gane wannan cuta da wuri ta hanyar lura da halin da maman ke ciki.  Wannan wadansu matakai ne da mace zata rika bi sau daya a wata domin ta duba mamanta ko akwai wani tsiro, kumburi, ko wata cuta a jikin maman.  Ya kamata ki bukaci likitarki ta koya miki yadda zaki rika duba mamanki ita ma kuma ta duba miki mamanki a kalla sau daya a shekara.  Daukan hoton mamman a asibiti don binciken cutar, na iya taimakwa wajen gano ta da wuri.

Matakan Sankaran Mama

Ana iya fahimtar tsanin bazuwar da wannan cuta tayi a jikin marar lafiya ta hanyar matakin da cutar take a wannan lokacin. Waɗannan matakai su ne:

Mataki na I: Tsiron cikin maman da bai  kai sentimita biyu ba, ko kuma yana daidai da sentimita biyu.  Kuma idan aka gwada kaluluwar hammata za’a ga babu wannan cuta.

Mataki na II: Faɗin tsiron cikin maman yana tsakanin sentimeta biyu zuwa biyar tare da kaluluwar hammata wacce ta nuna akawai cuta ko kuma wacce ta nuna babu cutar. Zai kuma iya kasancewa faɗin tsiron cikin maman ya wuce sentimeta biyar tare da kaluluwar hammata wacce ta nuna cewa akwai cutar.

Mataki na III: Wannan matakin an kasa shi zuwa gida biyu A da B.

A: A nan faɗin tsiron cikin maman ya fi sentimita biyar, kuma akwai kaluluwar hammata masu motsi waɗanda suke dauke da wannan cuta.  Ko kuma girman kumburin zai iya zama ko ma ya ya da kuma kaluluwar wacce kaluluwar hammata waɗanda suka maƙalewa juna kokuma suna maƙale da wata tsoka dake wannan gurbin.

B: A nan faɗin tsiron cikin maman zai zama ko yaya amma ya bazu zuwa fata, bangon kirji, ko kaluluwa da suke can kasan nono kuma a can cikin kirji.

Mataki IV: A nan faɗin tsiron cikin maman ko ma ya girmansa yake anan ya bazu zuwa wurare masu nisa kamar ƙasussuwa, hunhu, ko kaluluwar jiki da suke nesa da mama.

Mataki na I da na II su ne farkon kamuwa da wannan cuta amma mataki na III da IV cutar ta riga ta bunkasa.

Yaya ake maganin cutar sankaran mama?

Ana maganin sankaran mama sabuwar kamu ta wadannan hanyoyi:

Surgery (Fiɗa): Wannan shine a cire maman gaba daya ko wani ɓangarensa ta hanyar fida.  Amma yin wannan fiɗa ya danganta da abubuwa da dama wanda zaki tattauna da likitanki.

Chemotherapy - Shine yin amfani da magani domin a kashe kwayoyin da suka gina wannan cuta, wadda ta riga ta bazu zuwa wasu ɓangarori na jiki ko a kankantar da wannan kumburi na mama.  Duk da dai waɗannan magunguna su na da illoli, amma akwai hanyoyin da likitoci sukan bi domin taimakawa mai wannan cuta wajen samun saukin waɗannan illoli.

Hormone Treatment - yin amfani da wannan sinadari na homon domin su hana kwayoyin wannan cuta girma.  Za a iya yin wannan ta hanyar fiɗa, radiotherapy, ko shan da magunguna.

Radiotherapy - yin amfani da kwayoyi na wuta wajen kashe kwayoyin wannan cuta.

Akwai hanyoyi da dama da ake bi a warkar da wannan cuta, sai dai ya danganta da bazuwarta a jiki,  zabin mai ɗauke da wannan cuta, kuɗin da za’a iya kashewa, da yadda za a iya daurewa bin ka’idojion shan magani, da kuma kayan aiki da ake da su.

Yin maganin wannan cuta ya kan ɗau lokaci mai tsaho kuma ana bukatar yawan zuwa asibiti.  Yana da tsada kuma yakan dau lokaci.  Duk wadannan abubuwa ne da suka zama dole a tattauna su da likita.

Haka kuma yana da kyau mai ɗauke da cutar sankaran mama ta tattauna da ‘yan uwanta domin su gane yadda cutar take domin su ba ta goyon baya da kwarin gwiwa, kuma su taimaka wajen faɗakarwa game da lura da mama.

Sakamakon magani

Karbar magani ga jiki ya bambanta daga mutum zuwa mutum kuma ya danganta da:-

·  Matakin cutar a lokacin da aka gano ta: Cutar da aka gano ta tunda wuri tafi saukin warkarwa.

· Yanayin cutar sankara: Saukin  warkewar ya danganta da irin cutar sankarar da ta kama mutum.  Ana gane irin cutar ne bayan an yi gwaje-gwaje akan tsiron da aka ciro daga jikin mai ɗauke da cutar.

· Bin ka’idojin magani ba tare da kuskerawa ba.

Idan babu kumburi a hammata kuma girman sankaran bai wuce girman sentimita uku ba ko kasa da haka, kashi casa’in da tara cikin dari na waɗannan majinyatan sukan rayu har tsahon shekara biyar.  Haka kuma kashi sittin  cikin dari na  majinyatan da suke da kaluluwar hammata guda biyu zuwa hudu za su iya rabuwa da cutar a cikin shekara biyar in aka haɗa da kashi arba’in cikin dari na masu ɗauke da kaluluwa shida zuwa goma.

Idan kuma cutar ta riga ta bunkasa fa? A na nufin kenan ba za ta warke ba? To in da rai da robo.  Domin kididdigar da aka bayar a sama, ta samu ne ta hanyar hada sakamakon mutane da yawa da aka yi.  Babu likitan da zai ce lallai yadda aka samu din nan, haka ne zai faru a kanki, koda a ce an yi ta maganin amma cutar ta ki warkewa, likita zai iya bakin kokarinsa wajen bada magunguna waɗanda za su rage zafin cutar.

To magungunan gargajiya fa? Abun sani anan shine, duk wanda yake jinyar mai ɗauke da cutar sankara, fatansa ne a samu sauki da wuri saboda mai cutar ta daina shan wahala. Abin takaici shine, cigaban da aka samu akan  shawo kan cutar a kimiyyance bai taka kara ya karya ba. Amma duk da haka, yafi amfani nesa ba kusa ba, yafi rashin cutarwa, kuma yafi tabbaci fiye da kowane irin hanyar magani da wani ko wata zai zo miki dashi a yanzu. A karshe, mutum zai iya taimakawaa ckin  binciken samo maginin da yafu na yanzu aiki ta hanyar ba da gudunmawa da haɗin kai ga masu bincike a asibiti.

Yana da mutukar amfani mutum ya je asibiti da wuri da zarar ya lura da waɗansu canje-canje don neman magani.

Bincike Da Yadawa:
Gidauniyar Musulunci Ta Al'azmiyya (Al'azmiyyah Islamic Foundation Kano)

TASIRIN AZIMI GA LAFIYAR DAN ADAM (Nazarin Addini Da Kimiyya)

TASIRIN AZUMI GA LAFIYAR DAN ADAM

Nazarin Addini Da Kimiyya

 

(Wanda Ya Tattara Bayanan Manyan Malamai Da Likitocin Duniya)

 

Wallafar

Auwal Zakari Ayagi

(Barden Ayagi)

 

2026

Hakkin Mallaka (M)

Auwal Zakari Ayagi (Barden Ayagi)

Lambar Waya:   07038775781

Bugu Na daya    2026/1447

TSARAWA DA DAUKAR NAUYIN BUGAWA

Al-Azmiyya Islamic Foundation: No. 313 Al’Mustapha House Kadawa Western Bypass AL’EEMAAN Medicine Store Building, Adjacent to Gwarzo Road Kano.

E-mail: auwalzakari@gmail.com

www.sautulazimiyya.blogspot.co.uk/

GSM:  07038775781, 08023615685

SADAUKARWA

Na sadaukar da wannan Littafi ga Babban Malamina Jagorana Marigayi Ustaz Auwal Isa Yakasai (Rahimahullah) Allah yajikansa Allah ya gafartamasa, Amin.

GODIYA

Da sunan Allah mai yawan Rahama Mai Jin kai, Tsira da Aminci su kara tabbata ga shugaban halitta Annabi Muhammad Tsira da Aminci su qara tabbata a gareshi da ahalinsa da sahabbansa baki daya.

Da farko, ina mika godiya ta musamman ga Allah Maɗaukakin Sarki, wanda ya bani ikon kammala wannan littafi cikin aminci da nutsuwa. Shi ne Mai baiwa bawa karfin tunani, hikima da nutsuwar zuciya, Ya kuma bayyana masa abin da zai amfane shi da al’umma.

Ina mika godiya ta musamman ga Malam Salisu Abdul-Salisu, wanda ya shafe shekaru da dama yana jagorantar faɗakarwa a shafinsa na Zamantakewa dake manhajar Facebook, a dukkan watan Ramadan. Irin wannan jajircewa da yake yi wajen yada ilimi da wayar da kan jama’a shi ne ya kasance babban abin da ya karfafa gwiwata wajen rubuta wannan littafi. Allah Ya saka masa da mafificin lada, Ya kara masa ilimi, dacewa da nisan kwana.

Ina gode wa malamai da masana da aka ambata a cikin wannan littafi bisa irin gagarumar gudunmawar da suka bayar a fagen ilimi. Rubuce-rubucensu da fassarar bayanan kimiyya da na addini su ne ginshikan da wannan littafi ya dogara a kansu.

Godiya ta musamman ga Abokina Mal. Arabi Sammani, da dan’uwana Imam Sani Zakariyya da sukai duba tare da gyare-gyare, sai abokai, dalibai da dangi, waɗanda a lokuta daban-daban suke ba ni shawara, goyon baya da addu’a. Hakan ya taimaka matuka wajen saukaka wannan rubutu, da bincike da kuma tsara littafin yadda ya kamata.

Ina kuma godewa masu karatu, waɗanda su ne ginshikin dalilin rubuta wannan littafi. Idan aka sami kura-kurai a ciki, ina roqon a sanar da mu domin gyara. Idan kuwa aka samu daidai, ina roqon Allah Ya sanya wannan aiki cikin abin da ake rubutawa a mizani na ranar sakamako.

Allah Ya sanya wannan littafi ya amfanar da kowa, ya kuma zamo hanya ta qarin ilimi da tsaftace tunani.

Auwal Zakari Muhammad Ayagi

 (Barden Ayagi)

5 ga Zulhijja 1445= 1/6/2025

TA’ALIKI

Da sunan Allah Maɗaukaki, Mai yalwar rahama, Mai girman jin ƙai. Tsira da amincin Allah su tabbata ga Shugaban halittu baki ɗaya, shugaban masu azumi, Annabi Muhammad (ﷺ), da iyalansa tsarkaka, da sahabbansa zaɓaɓɓu, da dukkan waɗanda suka bi sahunsu da kyautatawa har zuwa ranar sakamako.

Bayan haka, hakika na karanta wannan littafi karatu na tsanaki da zurfin nazari, tare da yin bitar abubuwan da ya ƙunsa dalla-dalla. Sai na same shi littafi ne na musamman, wanda ya kebanta da irin rubuce-rubucen da aka saba yi kan azumi, musamman ta fuskar haɗa ilimin addini da na zamani cikin tsari guda mai ma’ana da armashi.

Marubucin ya yi kyakkyawan fashin baki wajen bayyana tasirin azumi ga lafiyar ɗan Adam, ta hanyar kawo bayanai na kimiyya na zamani tare da jingina su da ƙa’idojin Shari’a da fahimtar malamai. Haka kuma, ya zurfafa bayani kan hukunce-hukuncen azumi, ya gabatar da su cikin hikima, da tsari, da hujjoji masu ƙarfi.

Abin da ya ƙara wa littafin armashi shi ne irin bajintar da marubucin ya nuna wajen saukar da kalmomi masu tsauri da ma’anoni na ilimi zuwa harshen Hausa, cikin salo mai daɗi, mai sauƙin fahimta, ba tare da rage darajar ma’anar asali ba. Wannan fasaha ta sa littafin ya zama abin dogaro ga malamai, ɗalibai, da masu neman ilimi gaba ɗaya.

A ƙarshe, ina ba da shawara mai ƙarfi, tare da kwaxaitarwa, ga al’ummar Musulmi da su karanta wannan littafi, su zurfafa fahimta a cikinsa, su yi aiki da abin da ya ƙunsa, domin samun alheri mai yawa a addini, lafiya, da rayuwar yau da kullum.

Wassalāmu Alaikum wa Rahmatullāhi wa Barakātuh.

 

IMAM SANI ZAKARIYYA

Limamin Masallacin Juma’a Na Ibadur Rahaman Dake Tudun Yola GRA Kano State

24/12/2025

 

 

 

 

TAKRĪR

Da sunan Allah Maɗaukaki, Mai yalwar rahama, Mai girman jin ƙai. Tsira da amincin Allah su tabbata ga Annabi Muhammad (ﷺ) shugaban masu azumi, da iyalansa, da sahabbansa, da dukkan masu bin tafarkinsa na gaskiya.

Bayan haka, hakika na karanta wannan littafi karatu na fahimta da tantancewa, tare da yin bitar abubuwan da ke cikinsa a mahangar ilimi da tsari. A yayin wannan nazari, na yi wasu gyare-gyare da shawarwari domin ƙara inganta salo, daidaita lafazi, da kuma ƙarfafa ma’anoni, ta yadda littafin zai fito cikin tsari mai armashi da sauƙin karantawa.

Na tarar da littafin yana ɗauke da muhimman bayanai da suka shafi azumi da tasirinsa ga lafiyar ɗan Adam, inda marubucin ya nuna ƙwazo wajen haɗa fahimtar addini da bayanan zamani cikin hikima da daidaito. Haka kuma, littafin ya bi ƙa’idojin ilimi wajen gabatar da hukunce-hukuncen azumi a addinance, tare da bincike a manyan litattafan addini.

Gyare-gyaren da aka yi sun ta’allaka ne kan inganta lafazi, daidaita jimloli, da kuma tabbatar da cewa saƙon da ake son isarwa ya fito a sarari, ba tare da rage ma’anar asali ba. Wannan ya ƙara wa littafin ƙima da dacewa da amfani ga malamai, ɗalibai, da al’umma gaba ɗaya.

A bisa haka, ina ganin littafin ya cancanci a fitar da shi ga jama’a domin karantawa da amfana, musamman a wannan zamani da ake buƙatar ilimi mai haɗa addini da lafiya. Ina kuma roƙon Allah Ya sanya wannan aiki ya zama abin alheri da lada ga marubucin da duk wanda ya amfana da shi.

Wassalāmu Alaikum wa Rahmatullāhi wa Barakātuh.

 

Mal. Arabi Sammani Tudun Nufawa

(12/01/2026)

 

 

 

 

TSOKACI

Littafin “Tasirin Azumi ga Ɗan Adam” littafi ne mai matuqar muhimmanci da ya zo a kan lokaci, wanda ya haɗa ilimin addini da na zamani cikin hikima da fahimta. Marubucin ya yi qoqari matuqa wajen bayyana azumi ba kawai a matsayin ibada ba, har ma a matsayin wata babbar hanya ta inganta lafiyar jiki, tunani da rayuwar ɗan Adam.

 

Abin da ya fi burge ni shi ne yadda littafin ya gina hujjoji bisa Alqur’ani, Hadisai da kuma bayanan masana lafiya, yana nuna cikakken tasirin azumi ga tsarin jiki, narkewar abinci, gyaran qwayoyin halitta da kuma tsarkake zuciya. Wannan ya sa littafin ya zama abin amfana ga kowane musulmi, da ma wanda ba musulmi ba, mai sha’awar fahimtar hikimar azumi.

 

A tsawon shekaru, shafin zamantakewa dake Facebook ya kasance dandali na ilimantarwa ga al’ummar musulmi a sassa daban-daban na duniya, inda muke tattauna batutuwa da dama na addini, tarbiyya da lafiya. Wannan maudu’i na Tasirin Azumi ga Lafiyar Ɗan Adam yana daga cikin muhimman jigogin da muke yawan bayyanawa, kuma wannan littafi ya zo ya qara zurfafa fahimta tare da tattara bayanai a wuri guda.

Ina yaba wa marubucin bisa wannan gagarumar gudunmawa, tare da fatan littafin zai samu karɓuwa sosai, ya kuma zama haske ga masu karatu wajen fahimtar azumi a matsayin ibada da babbar ni’ima ga lafiyar ɗan Adam.

— Salisu Abdul

ABUBUWAN DA KE CIKI

Sadaukarwa…………………………………

Jinjina/Yabo…………………………………
Godiya………………………………………
Ta’aliqi………………………………………

Taqrir ……..…………………………………

Tsokaci………………………………………

Abubuwan da ke ciki…………………………
Gabatarwa……………………………………
BABI NA 1: Muhimmancin Azumi A Addini Da Kimiyya

§  Mahimmancin Azumi a Addini……………

§  Mahimmancin Azumi a Kimiyya …………

§  Dangantakar Azumi a Addini da Kimiyya…

§  BABI NA 2: Ma’anar Azumi a Musulunci

§  Ma’anar azumi………………………….......

§  Dalilan Wajibcin azumi……………………

§  Fa’idar azumi ga ruhu………….....................

§  Hadisai da suke nuna falalar azumi………....

§  Farlanta azumin ramadan………....................

§  BABI NA 3: Nazarin Malaman Musulunci da likitocin Duniya Kan Azumi da Lafiya

§  Nazarin Malaman Musulunci……….............

§  Ibn Taymiyyah Rahimahullah........................

§  Ibn Qayyim Al-jawziyya…...........................

§  Imam Ghazali …….......................................

§  Sheikh Bin Baz…………………………….

§  Sheik Yusuf Al-Qaradawi……………… …

§  Yin azumi yana qara lafiya.............................................................

§  Nazarin Likitocin kan tasirin azumi ga lafiya………....................

§  Rashin Lafiyar da azumi ke yiwa amfani………...........................

§  Qarin bayani kan ra’ayoyim masana da masu bincike……...........

§  Magance manyan cututtuka ta hanyar azumi……….....................

§  Tasirin azumi ga lafiya jiki da rage haxarin cututtuka……...........

§  BABI NA 4: Abubuwan Da Likitocin Duniya Suka Gano

§  Dr. Yoshinori Ohsumi ………......................................................

§  Dr. Valter Longo ……....................................................................

§  Dr. Mark Mattson – Lafiyar kwakwalwa…….…….…..................

§  Dr. Jason Fung – Maganin ciwon suga da qiba……......................

§  Harvard Medical School – Metabolic reset……….……...............

§  Mayo Clinic USA – Detoxification da cholesterol………..

§  WHO – Shawarwari akan azumi………………………................

§  BABI NA 5: Yadda Azumi Ke Aiki A Jiki (Scientific Mechanisms)

§  Autophagy (Gyaran cells)……………………….……..................

§  Hormonal reset……………….................

§  Kona kitsen ciki (Fat burnning)…………

§  Tasirin azumi ga hanta, koda, da zuciya………..…….....

§  Tasirin azumi ga kwakwalwa da tunani………………....

§  BABI NA 6: Amfanin Azumi Ga Cututtuka

§  Ciwon suga (Type 2)…………………………………....

§  Ciwon zuciya da Hawan Jini……………………….……

§  Ciwon kiba…………………………………….…….…..

§  Cutar Alzheimer da mantuwa…………………………....

§  Cututtukan Borin Jiki da Daji……………..…….............

§  Lafiyar Jiki da Tinani da qwaqwalwa…………….…….

§  Hutawar hanji………..........................................................

§  Cutar Shaye-shaye……….....................................................

§  Cutar Damuwa………........................................................

§  Matsalolin da kan iya samin mai azumi……….................

§  BABI NA 7: Cututtukan da basa Bari a yi azumi

§  Ciwon Suga………………………..…...............................

§  Ciwon Qoda………………………...……….……..…...…

§  Ciwon Qwaqwalwa………………………………..……

§  Ciwon Gyambon Ciki mai tsanani………………...........

§  Tarin Fuka da Ciwon Numfashi………………..….……

§  Ciwon Hanta………........................................................

§  Ciwon Zuciya……................................................................

§  Masu Juna biyu da Masu Shayarwa………..........................

§  BABI NA 8: Kwatankwacin Azumin Musulunci Da Intermittent Fasting (Azumin Likitanci)

§  Azumin Musulunci………………………………….……....

§  Intermittent Fasting (Azumin Likitanci)………………........

§  BABI NA 9: Hanyar Cin Abinci mai lafiya yayin buxe Baki

§  Abincin da ya fi dacewa wajen buxe baki…………………

§  Abincin da ya kamata a guje masa………………...…........

§  Misalin jadawalin cin abinci mai gina jiki……….…….......

§  Abincin da yafi dacewa wajen Sahur…................................

§ BABI NA 10: Azumin Nafila da ba na Watan Ramadan ba

§  Azumin Litinin da Alhamis ……………………..…..….....

§  Azumin Ranakun Haske………………………......….........

§  Azumin Tasu’a da Ashura…………………….………...…

§  Azumin Arfa………………………………….....…............

§  Azumin watan Sha’aban…………………..……….............

§  Azumin Annabi Dauda…………………………….............

§  Azumin Sitti Shawwal………………….…....….................

§  Azumin Gwauraye…………………………...….…............

§  Azumin Watan Rajab…………………………..….…........

§ BABI NA 11 Hukuncin Azumin ‘Ya Mace

§  Azumin mace mai Jini Haila da na Biqi………..…

§  Azumin Mace Maishayarwa………….………..…

§  Azumin ga Mace mai Jinin Rashin Lafiya ……..…

§  Azimin Matar Aure……….……….……………...

§  Tsokaci Ga Mai Karatu ……………………………………

§  Kammalawa ……………………………………....

§  Taqaitacce tarihin Marubuci………………………

§  Manazarta (References),………………… …….....

GABATARWA

 

Da sunan Allah, Mai Rahama Mai Jin Qai. Tsira da amincin Allah su qara tabbata ga shugaban halitta, Annabin rahama, (SAW) da ahalinsa da dukkan sahabbansa baki xaya.

Bayan haka, dalilin da ya sa ni na rubuta wannan littafi shi ne: a duk shekara cikin watan Ramadan, Malam Salisu Abdul-Salisu yana jagorantar wasu jerin faɗakarwa a shafinsa na Facebook mai suna Zamantakewa. Tun daga ranar 1 zuwa 30 ga watan Ramadan, yakan samar da jadawalin malamai da masana a fannoni da dama, don su gabatar da darussa daban-daban.

A kowace shekara ni ma nakan samu kaina cikin masu bada gudunmawa wajen faxakarwar, kuma galibi ana bani dama ne in yi bayani mai taken “Tasirin Azumi ga Lafiyar xan Adam.” Hakan ya kan saka ni yin bincike mai zurfi, domin na tattara bayanan da masana kimiyya suka rubuta kan amfanin azumi ga lafiyar ɗan Adam, tare da abin da manyan malamai suka faɗa daga cikin littattafansu, da fatawoyinsu.

Daga qarshe ne na ga ya dace in haɗa waɗannan muhimman bayanai cikin littafi guda xaya, domin amfanin al’umma, musamman ma ganin irin tasirin azumi ga lafiya da kuma rawar da yake takawa wajen tsaftace jiki da ruhin ɗan Adam.

Musani Azumi ibada ce daga cikin ginshiqan Musulunci wand ya haɗa ruhi, da ɗabi’a, da kuma lafiyar jiki. Tun Shekaru da dama, malamai na Musulunci sun yi rubuce-rubuce da bayanai akan amfanin azumi ga jiki da zuciya. A yau, binciken kimiyya daga manyan likitoci, cibiyoyin bincike, jami’o’i, da hukumomin lafiya na duniya sun tabbatar da abubuwan da malamai suka yi ishara da shi tun asali.

Wannan littafi ya tattara bayanai daga manyan malamai da manyan likitocin duniya, da cibiyoyin bincike.

littafin ya haɗa vangaren Addini da kuma na Kimiyya, ya kuma kawo hujjoji, da misalai, da bayanai masu qarfi, domin musulmi ya fahimci cewa azumi ibada ce mai girma kuma dabarun kara inganta lafiya.

Ina roqon Allah ya saka wa Malam Salisu da alheri bisa irin faɗakarwa da wayar da kai da yake yi a wannan shafi. Ina kuma fatan Allah Ya sanya wannan littafi ya zama hanya ta alheri ga mai karantawa, ya ilmantar da su game da amfanin da azumi kanyi ga lafiyarsu, ya kuma qarfafi masu karatun wajen kula da jikinsu da lafiyarsu. Domin kuwa Bahaushe ya ce: “Lafiya uwar jiki.”

Duk wani kuskure da aka hango a cikin littafin, ina roqon a sanar dani domin a gyara. Abin da kuwa ya zo daidai, Allah Ya karɓa ya sanya shi a mizanin alheri.

Auwal Zakari Muhammad Ayagi
(Barden Ayagi)
5 ga Zulhijja, 1445 H — 1/6/2025 M

 

 

 

BABI NA XAYA

MUHIMMANCIN AZUMI A ADDINI DA KIMIYYA

Azumi babbar ibada ce da ta haɗa tsakanin gyaran ruhi, tsabtace zuciya, da inganta lafiyar jiki. Wannan ya sa Musulunci ya sanya azumi cikin rukunan addini guda biyar, kuma kimiyya ta tabbatar da hikimar da ke cikinsa ta fannoni da dama.

1. Muhimmancin Azumi a Addini

a. Azumi ruku nine na Musulunci

Allah Madaukakin Sarki ya yi umarni da yin azumi domin qarfafa biyayya, tsoron Allah da tsaftar zuciya.

Kamar yadda (SWT) yake cewa:

﴿ يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ﴾ [ البقرة: 183]

Ma’ana:

“Yã ku waɗanda kuka yi imani! An wajabta muku azumi, kamar yadda aka wajabta wa waɗanda suka gabaceku, domin ku zama masu taqawa.” [1]

 

Wannan ayar hujja ce mafi karfi da ta nuna cewa Azumin watan Ramadan Wajibi ne ga duk Musulmi baligi, mai hankali, wanda ba shi da uzuri.

Azumi hanya ce da mutum ke miqa wuya ga Ubangiji ta hanyar nisantar sha’awa saboda bin umarninsa.

b. Qarin Tsoron Allah (Taqawa)

Allah Ya bayyana cewa babban manufar azumi ita ce:

“ لَعَلَّكُمْ تَتَّقُونَ”

“Domin ku samu taqawa.

Taqawa tana nufin tsoron Allah, tsarkake zuciya, aikata alheri da gujewa zunubi. Azumi yana koyar da mutum juriya, haquri da duqufa ga ibada.

c. Karkatar da zuciya daga Duniya zuwa Ibada

Lokacin azumi mutum kan rage yawan shagala, ya qara karatun Alqur’ani, da ibada da tunani mai kyau. Wannan yana haifar da nutsuwar zuciya da kwanciyar hankali.

d. Raunata Shaiɗan da qarfafar Ruhi

Annabi (SAW) ya ce:

الصِيَامُ جُنَّةٌ

Ma’ana: Azumi Garkuwa ce: wato kariya ne ga bawa.

Manzon Allah ﷺ ya ce:

“Azumi garkuwa ne. don haka idan ɗayanku yana azumi, kada ya yi magana ta batsa, kuma kada ya yi hayaniya ko faɗa. Idan wani ya zage shi ko ya neme shi da faɗa, sai ya ce: Ni ina azumi ne.” [2]

 

Azumi yana zama garkuwa ne domin:

·        Yana kare Mutum daga Zunubi – ta hanyar rage sha’awa da fushi.

·        Yana kare Mutum daga Wutar Jahannama – idan aka yi shi da gaskiya da tsoron Allah.

·        Yana tarbiyyantar da Zuciya – domin yana koya haquri, kunya da tsoron Allah.

Saboda haka azumi ba hana ci da sha kawai ba ne kaxai, a’a tarbiyya ce ga zukatanmu da halayen mu.

e. Koyi ne da Annabi (SAW) da Sahabbai

Annabi (SAW) ya yi azumci watan Ramadan, sannan ya yi Azumin Litinin da Alhamis, da sauran ranakun da zamu kawosu a nan gaba. Wannan hujja ce kan muhimmancinsa ga Musulmi.

2. MUHIMMANCIN AZUMI A KIMIYYA

Kimiyya ta tabbatar da cewa azumi ba ibada ce kawai ba, magani ne da yake tasiri ga jiki da kwakwalwa. Domin masana da dama da cibiyoyin bincike irin su Dr. Yoshinori Ohsumi [3], Harvard Medical School, Dr. Valter Longo [4], da Cleveland Clinic [5] sun yi bincike da dama kan azumi, kuma suka bayyana amfaninsa da dama, ga wasu daga cikin manyan amfaninsa da binciken na su ya bayyana:

a. – Tsabtace Jiki daga Guba (Autophagy): Dr. Yoshinori Ohsumi ya binciko cewa azumi hanya ce da jiki ke kawar da tsofaffin kwayoyin cuta, da gubobi[6] da tarkacen da suke haifar da cututtuka. Har sai da ya sami kyautar (Nobel Prize) saboda gano wannan bayani da yayi a cikin binciken sa.

 

b. Rage qiba da daidaita sinadaran jinni: Azumi yana taimakawa wajen, rage kitse mai haɗari (bad cholesterol) haka nan yana qara kitse mara cutarwa (good cholesterol). Sannan yana daidaita sukarin Jiki (glucose), domin yana taimaka wa masu ciwon suga, sannan yana rage qiba cikin tsari mai kyau, batare da cutarwarba.

Don haka masu son rage qiba ba sai sunyi amfani da wasu magungunma masu cutarwa ba, muddin suka lazumci yin azumi, qibarsu zata ragu sannan jikin su zai qara lafiya.

c. Gyaran kwakwalwa da qara kaifinta: Azumi yana qara yawan sinadarin (BDNF) ‘BDNF’ na nufin (Brain-Derived Neurotrophic Factor): wato wani sinadari ne na (protein) da kwakwalwa take samarwa, wanda ya ke taimaka wa qwayoyin halittar kwakwalwa (neurons) su rayu, ya qarfafa koyo da tunani, ya inganta ma’ajiyar qwaqwalwa (memory), da kuma gyaran kwakwalwar kanta idan ta sami rauni.

A takaice: BDNF tamkar abincin kwakwalwa ne domin yana waxannan ayyuka:

1.     Qara hankali da fahimta

2.     Inganta qwaqwalwa

3.     Rage damuwa (depression & anxiety)

4.     Kare kwakwalwa daga tsufa da cututtuka

5.     Qarfafa sababbin qwayoyin kwakwalwa (neurogenesis)

 

Abubuwan da su ke qara yawan BDNF sun haɗar da:

·         Azumi Na Musulunci ko na Likita (Ramadan/ intermittent fasting)

·         Motsa jiki (exercise)

·         Karatu da tunani mai zurfi

·         Yin bacci mai kyau (cikin Nutsuwa kuma mai yawa)

·         Cin abinci mai gina jiki, kamar kifi, gyaɗa, kwakwa, da kayan lambu da makamantan su)

 

Wannan ya dace da Hadisin Annabi ﷺ: da muka kawo abaya, da yake cewa: “Azumi garkuwa ce” wato garkuwa ga jiki, da zuciya da kuma kwakwalwa.

d. Kare jiki daga cututtuka masu tsawo (chronic diseases): Masu bincike sun tabbatar da cewa azumi na taimaka wa masu waxannan cututtuka:

§ Ciwon zuciya

§ Ciwon Hawan jini

§ Cutar Mantuwa (Alzheimer)

§ Cutar Rawar Jiki (Parkinson)

§ Cutar kumburin Jiki (Inflammation)

§ Kiyaye hatsarin kamuwa da cutar daji (Cancer) a wasu matakai

e. Sake daidaita aikin jiki da Gyaran tsarin narkewar abinci (Metabolic Reset): Metabolic reset: yana nufin lokacin da jiki ya daina dogaro da sukari wato (glucose) kaɗai, ya koma amfani da mai (fat) don samar da kuzari, hakan yana gyara yadda yake narkar da abinci da sarrafa kuzari.

Yawanci hakan yana faruwa ne, a lokacin da ake yin azumi, ko lokacin da aka rage cin abinci akai-akai, wato lokacin da ake yin intermittent fasting.

 

Amfaninsa: yana rage qiba, yana daidaita sukarin cikin jini, yana rage kumburi (inflammation), yana qara lafiyar kwakwalwa, yana qara BDNF, sannan yana rage haɗarin kamuwa da cututtuka, kamar ciwon sukari da ciwon mantuwa.

Dangantakar Metabolic reset da Azumi: Azumi yana baiwa jiki damar hutawa daga cin abinci akai-akai, sannan yana gyara kansa da kansa, kuma yana tsarkake shi jiki xin, sannan ya inganta aikin da yake yi.

 

f. Tsawaita rayuwa (Longevity): Binciken Jami;ar Stanford da Jami’ar Harvard, ya nuna cewa azumi yana taimaka wa tsawon rai, saboda yana rage yawan gubar da ke jiki da rage matsa lamba ga kwayoyin halitta (wato kwayoyin halitta suna samu suna hutawa).

 

3. DANGANTAKAR AZUMI A ADDINI DA KIMIYYA

§ Addinin Islama ya jaddada yin azumi, domin yana tsarkake zuciya da qarawa mai yin sa kusanci da Allah.

§ Kimiyya kuma ta tabbatar da cewa wannan tsarkakewar tana sake tsara jiki gaba ɗaya, daga kwakwalwa, jini, hanji har zuwa qwayoyin halitta.

§ Hakan ya nuna cewa hikimar da Allah Ya sa cikin azumi ta wuce abin da ilimin ɗan Adam zai iya fahimta.

 

BABI NA BIYU

MA’ANAR AZUMI A MUSULUNCI

1. Ma’anar Azumi (As-Sawm): A shari’a, azumi shi ne: “Kaucewa daga cin abinci, ko abin sha, ko kusantar iyali, tare da duk wani abin da yake lalata azumi, tun daga fitowar alfijir har zuwa faduwar rana, saboda girmama Allah.”

2. Dalilan Wajibcin Azumi: An fara Azumin ne tun a zamanin al’ummomin Annabawan da suka gabaci Manzon Allah (SAW).

Allah Madaukakin Sarki Ya bayyana a cikin Al-kur’ani cewa:

"يَٰٓأَيُّهَا ٱلَّذِينَ ءَامَنُواْ كُتِبَ عَلَيۡكُمُ ٱلصِّيَامُ كَمَا كُتِبَ عَلَى ٱلَّذِينَ مِن قَبۡلِكُمۡ لَعَلَّكُمۡ تَتَّقُونَ"

“Ya ku wadanda kuka yi imani, an farlanta muku yin azumi, kamar yadda aka farlanta shi ga al’ummomin da suka gabace ku, tsammanin za ku samu jin tsoron Allah.” [7]

Wannan ya nuna cewa asalin manufar azumi ita ce gyaran zuciya.

Malaman tarihin Musulunci sun bayyana cewa gabanin manzancin Annabi Muhammadu ﷺ, al’ummomin baya kan yi azumi ne a lokuta daban-daban, sannan yawan kwanakin da suke yin azumin ya bambanta.

Alal misali, kafin a aiko Manzon Allah ﷺ Yahudawa da Nasara har da Quraishawa masu bautar gumaka a lokacin sun kasance suna azumtar ranar Ashura, 10 ga watan Muharram.

Azumi na xaya daga shika-shikan Musulunci

Daga cikin shika-shikan Musulunci guda biyar, Azumtar watan Ramadan xaya ne daga cikin su  wato:

1.     Kalmar Shahada

2.     Sallah

3.     Azumin watan Ramdan

4.     Zakka

5.     Aikin Hajji

Talakawa da mawadata sun yi tarayya a cikin ukun Farko; ragowar biyun kuma (Zakka da Hajji) suka takaita ga mawadata (wato waxanda Allah ya horewa).

Bisa koyarwar Addinin Islama, a watan Ramadan, al’ummar Musulmi kan ninka yawan ayyukansu na alheri da neman kusanci da Allah, babu dare, babu rana, saboda kwaxayin samun dacewa da falalar watan.

 

3. Fa’idar Azumi Ga Ruhi (Spiritual Benefits): Wannan yana nuni da irin amfanin da azumi ke yi ga zukata, da ruhin xan Adam da kuma kara masa kusanci da Allah. Ba wai iya jikin mutum kaɗai kan samu wannan fa’ida ba, a’a har ma da gavvansa, da kuma yanda azumin ke qarfafa koyi da halaye na gari, da tsoron Allah da tsaftace zuciya.

A nan zamu fahimci fa’idodin azumi da suka haxa da:

§ Yana kawar da son zuciya

§ Yana daidaita zuciya da hankali

§ Yana inganta natsuwa

§ Yana sanya ɗa’a ga Allah

§ Yana Qara Taqawa (Tsoron Allah)

§ Yana Qarfafa Ibada

§ Yana tsarkake Zuciya Daga Hassada, Girman kai

§ Yana Qara Kusanci da Allah

§ Yana Gina Xabi’a da Halaye na Gari

§ Yana Raunana Shaixan da qarfafa ruhin xan Adam

 

4. Hadisai Da Suke Nuna Falalar Azumi

1. Kariya daga Zunubi da Wuta

Annabi ﷺ ya ce: الصِيامُ الجُنَّة

“Azumi garkuwa ce.”Ma’ana: “Azumi garkuwa ce (kariya ce daga zunubi da ayyukan da suke kaiwa ga wuta).” [8]

Wannan kalma ta garkuwa ta qunshi ma’anonin addini da na lafiya. (Kamar yadda muka bayyana a baya)

 

2. Tanadar Babbar qofa a Aljanna ga masu Azumi kaxai: Ar-Rayyan

"إِنَّ فِي الْجَنَّةِ بَابًا يُقَالُ لَهُ الرَّيَّانُ، يَدْخُلُ مِنْهُ الصَّائِمُونَ…"

Ma’ana: “A cikin Aljanna akwai qofa da ake kira Ar-Rayyan; masu azumi ne za su shiga ta…” [9]

Ita wannan qofa mai suna Ar-Rayyan an tanadeta ne a cikin Aljanna ga masu Azumi su kaxai.

 

3-  Nisanta Fuskar Bawa Daga Wuta na Shekaru 70

مَنْ صَامَ يَوْمًا فِي سَبِيلِ اللَّهِ، بَاعَدَ اللَّهُ وَجْهَهُ عَنِ النَّارِ سَبْعِينَ خَرِيفًا

Ma’ana: “Duk wanda ya yi azumin rana guda saboda Allah, Allah zai nesanta fuskarsa daga wuta na tsawon shekaru 70.” [10]

4. Sanya Tazara kamar Sama da qasa ga mai Azumi da wuta

مَنْ صَامَ يَوْمًا فِي سَبِيلِ اللَّهِ، جَعَلَ اللَّهُ بَيْنَهُ وَبَيْنَ النَّارِ خَنْدَقًا كَمَا بَيْنَ السَّمَاءِ وَالأَرْضِ

Ma’ana: “Wanda ya yi azumi saboda Allah, Allah zai sanya tazara kamar tsakanin sama da qasa tsakanin shi da wuta.” [11]

5. Azumi yana wanke zunubai

مَنْ صَامَ رَمَضَانَ إِيمَانًا وَاحْتِسَابًا، غُفِرَ لَهُ مَا تَقَدَّمَ مِنْ ذَنْبِهِ

Ma’ana: “Wanda ya azumci Ramadan cikin imani da neman lada, an gafarta masa abin da ya gabata na zunubansa.” [12]

6. Qanshin Bakin Mai Azumi Yafi na Turaren Miski

وَخُلُوفُ فَمِ الصَّائِمِ أَطْيَبُ عِنْدَ اللَّهِ مِنْ رِيحِ الْمِسْكِ

Ma’ana: “Qanshin bakin mai azumi ya fi kamshin miski a wurin Allah.” [13]

 

 

7. Ladan Azumi Allah ne ya ke bayar da sha kai tsaye:

كُلُّ عَمَلِ ابْنِ آدَمَ لَهُ إِلَّا الصِّيَامَ، فَإِنَّهُ لِي وَأَنَا أَجْزِي بِهِ

Ma’ana: “Kowane aikin ɗan Adam na shi ne, sai dai azumi, domin shi nawa ne, kuma Ni ne zan ba da ladansa.” [14]

8. Karvar Addu’ar  mai yin Azumi

ثَلَاثَةٌ لَا تُرَدُّ دَعْوَاتُهُمْ… وَالصَّائِمُ حَتَّى يُفْطِرَ

Ma’ana:  “Mutane uku ba a mayar da addu’arsu ba… da mai azumi, har ya buɗe baki.” [15]

9. Koyar da zuciya ladubba da kiyaye harshe

فَإِذَا كَانَ يَوْمُ صَوْمِ أَحَدِكُمْ فَلَا يَرْفُثْ وَلَا يَصْخَبْ

Ma’ana: Idan rana ta kasance ta azumin ɗayanku, to kada ya yi maganar batsa ko hayaniya.” [16]

 

Ibadar Azumi: Idan watan ramadan ya tsaya, to ya wajaba akan ko wanne musulmai Maza da Mata, baligai, masu lafiya, mazauna gida su yi azumi, ma'ana su kame bakinsu daga ci, ko sha, ko saduwar aure daga fudowar alfijir har zuwa faxuwar rana, wanda kuma ya kasance mara lafiya ko ya zamo matafiyi acikin kwanakin azumin ramadan, to ya halatta a gare shi da ya sha azumin sa'annnan ya rama adadin kwanakin da ya sha acikin kwanakin da ba na Ramadan ba.

Allah (SWT) yace:

فَمَن شَهِدَ مِنكُمُ الشَّهْرَ فَلْيَصُمْهُ ۖ وَمَن كَانَ مَرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أخْرَ،

Ma’ana: "Wanda ya riski wata daga cikin ku, to sai ya azumce shi, wanda kuma ya zamo maras lafiya ko matafiyi, to sai ya rama a kwanaki na daban..." [17]

Don haka Kenan, Azumi ibada ce ta da qunshi kamewa daga ci, da sha, da kusantar iyali. da sauran abubuwan da ke karya azumi tun daga fitowar alfijir zuwa faxuwar rana.

Sharuxan Azumi: Yin Azumin Ramadan farilla ne ga dukkan:

1.     Musulmi

2.     Baligi

3.     Mai Hankali

4.     Lafiyayye

5.     Mazaunin Gida.

Wanda ba Musulmi ba, ko qaramin yaro, ko mara hankali, ko mara lafiya, ko matafiyi, waxannan bai zama wajibi a kan su ba.

Musulmin da suka cika waxannan sharuxxa biyar, su kan shafe wata guda (kwanaki 29 ko 30) suna Azumin Ramadan, ya danganta da yadda aka ga jinjirin watan Shawwal.

Farlanta Azumin Ramadan: Bayan aiko Annabi Alaihissalam, an farlanta Azumin Ramadan ne mataki-mataki, inda aka fara farlantawa a watan Sha’aban na shekara ta biyu bayan Hijira.

An fara farlanta wa al’ummar Annabi Muhammadﷺ yin azumi ne tare da ba su zavi wanda zai iya ya yi, wanda azumin zai wahalar da shi kuma, sai ya ciyar da miskini xaya a maimakon kowane azumi. Duk da haka an fi kwadaitarwa a kan yin azumi.

Daga baya aka farlanta azumin ga duk wanda ya halarci (Riski) watan Ramadan.

 

Imam Muslim sun ruwaito daga Salamata bn Akwa’ cewa: Sahabban Manzon Allah ﷺ sun kasance idan mutum ya so sai ya yi Azumin Ramadan, ko kuma ya ciyar (da miskini) a maimakon kowane Azumi daya.

A wata ruwaya ta Imam Muslim, daga baya an soke hukuncin da saukar ayar da ta 185 ta Suratul Baqara, da take cewa: “Duk wanda ya halarci watan (Ramadan) to ya azumce shi’.”

فَمَن شَهِدَ مِنكُمُ الشَّهْرَ فَلْيَصُمْهُ ۖ وَمَن كَانَ مَرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أخْرَ، [ البقرة: 185]

Ma’ana: "Wanda ya riski wata daga cikin ku, to sai ya azumce shi, wanda kuma ya zamo maras lafiya ko matafiyi, to sai ya rama a kwanaki na daban..." [18]

Hikimar Shari’a da Dalilin da ya sa Allah ya Wajabta Azumi: Azumi ibada ce da Allah Ya ɗora wa Musulmi domin gina zuciya, gyara halaye da qarfafa dangantaka tsakanin bawa da Ubangijinsa. Duk wani abu da Allah Ya wajabta yana ɗauke da hikima, ko da mutum bai gane ta a zahiri ba. Amma azumi na ɗaya daga cikin ibadoji da aka fi bayyana hikimominsa a cikin Alqur’ani, Hadisi da bayanan malamai.

1. Gina Taqawa da Tsoron Allah

Allah ya ce:

“An wajabta muku azumi kamar yadda aka wajabta wa waɗanda suka gabace ku, domin ku samu taqawa.” (Tuba, tsarkake zuciya, da nisantar zunubi)

Taqawa ita ce ginshiqin dukkan ayyukan Musulunci. Azumi yana koya wa mutum juriya wajen barin abin da ya saba yi saboda Allah.

2. Daidaita Halaye (Moral Discipline): Azumi makaranta ce ta gina tarbiyya, yana horarwa tare da koyawa mutane haquri da juriya da tausayi da xa’a da Nisantar maganganu marasa amfani, da kuma kula da harshe da zuciya.

Annabi Salallahu Alaihi wa sallam ya ce: “Wanda bai bar qarya da aikinta ba, Allah ba ya buqatar barin cin sa da barin shan sa.”

3. Tunatar da Musulmi Halin da Mabuqata ke ciki: Wata hikima mai girma da ke cikin azumi ita ce; mutum ya ji irin wahalar da marasa qarfi ke fuskanta na yunwa da qishirwa, sai zuciyarsa ta cika da tausayi, hakan yakan sanya shi ya yawaita sadaqa, sannan ya nisanci girman kai.

Azumi yana daxa qulla alaka tsakanin masu hali da marasa qarfi, domin masu qarfin suna xanxanar irin yanayin da marasa qarfin ke ji.

 

5. Hadaɗɗiyar Ibada ce da bata da Riya: Malamai sun ce: “Azumi ne kaɗai ibadar da ba a iya ganin sahihancinsa a zahiri.” Domin tsoron Allah ne ginshikinsa, kuma sirri ne a cikin zuciya, bawa yana yin shi ne domin Allah kaɗai, domin baza a iya gane wanda baya yi ba, in ba shi ne ya fito fili ya ce baya yi ba. Saboda wannan sirrin ibada, Allah ya ce:

“Azumi na wa ne, Ni ne kuma zan bada ladan sa.”

6. Raunana Shaidan da Qarfafa Ruhin Musulmi: A lokacin azumi ana xaure shaiɗanu, don haka ɗan Adam ya kan samu sauqin yin ibada, ba tare da kasala ba, sa’anan zukata su na qara cika da haske, kuma Ruhi yana samun qarfi da nutsuwa.

Wannan shi ne ainihin horon ruhi da addini ke nufi.

7. Haɗa kan Musulmi Da Gwajin Imanin Bayi: Azumi yana haɗa kan dukkan Musulmi waje ɗaya, domin kowannen su yana azumi a lokaci xaya, suna haxuwa a masallatai wajen jam’in Sallah, yana gina zumunci da saka al’umma su kasance cikin ibada a lokaci guda, wannan yana nuna cewa Musulunci addini ne na tsari.

Haka nan daga cikin manyan hikimomin azumi Allah yana gwada tsantsar Imanin bayin sa ne, domin ya tantance masu tsayawa ga umarninSa ko akasin haka.

8. Sanya Bawa Cikin Rahama da Gafara: Ramadan lokaci ne da ake buɗe dukkan qofofin sama, a buɗe qofofin rahama, sannan a rufe dukkan qofofin wuta, Allah ta’ala yana gafara ga dukkan bayin da suka roqi gafararsa. Don haka ake so bawa ya yi qoqari wajen tsarkake kansa da kuma samun alfarma da garavasar wannan wata.

 

 

BABI NA UKU

NAZARIN MALAMAN MUSULUNCI DA LIKITOCIN DUNIYA KAN AZUMI DA LAFIYA

·        Nazarin Malaman Musulunci

Kamar yadda mukaji dogon bayani game da Azimi, da tarihin sa, da hukunce hukuncensa da falalarsa, duk da haka yana wajaba ne a kan mutum mai cikakkiyar lafiya ta hankali da jiki, ba ya halatta ga mara Cikakkaiyar lafiya ko kuma yaro karami.

Don haka ne yin azumi ya zama wani lamari ne na fixirar halittar dukkan halittu masu jiki don samun cikakkiyar lafiyarsu, kuma duk wata halitta mai jiki tana samun wani lokaci da jikin zai tilas ta mata dakatar da cin abinci ko da kuwa ta hanyar rashin lafiya ne don samun hutu da annashuwa da sabuwar rayuwa ga kwayoyin halittar jikin.

1. Ibn Taymiyyah (Rahimahullah) Ya yi bayanin cewa:

·        Cin abinci fiye da qima yana jawo cututtuka

·        Azumi yana ba jiki damar hutu

·        Yana rage “yawan jini” wato kuzarin (shaidan)

2. Ibn Qayyim Al-Jawziyya A cikin littafin Zadul Ma’ad, ya ce:

·        Azumi yana kona gubobi

·        Yana inganta narkewar abinci

·        Yana rage qiba

·        Yana tsaftace jiki gaba ɗaya

3. Imam Al-Ghazali Acikin littafin Ihya Ulumuddin, shi ma ya ce:

·        Azumi yana tsabtace zuciya

·        Yana rage nauyi da abinda ke cutar da ciki

·        Yana kara kaifin tunani (clarity of mind)

Wasu daga Malaman wannan Zamani suma sunce wani abu game da azumi

Sheikh Bin Baz: – Ya bayyana cewa azumi:

·         Yana Rage qiba

·         Yana Daidaita jini

·         Yana Tsaftace jiki

·         Yana Kare mutum daga cututtukan cin abinci da yawa

Sheikh Yusuf Al-Qardawi: Shi ma yace: “Azumi magani ne ga jiki da ruhi.”

Yin Azumi ya na Kara Lafiya

Manyan Malamai masana suna cewa: "Ku yi azumi kwa yi lafiya". Wannan na nuna fa'idar yin azumi ga lafiyar jiki, kuma ni'ima ce da Allah ya yi wa xan adam da bai san iyakarta ba, don haka ne littafin Allah yake nuni da cewa:

ُولِتَشْكُرُوا اللَّهَ عَلَى مَا هَدَاكُمْ

Ma’ana:

“Domin ku godewa Allah kan abin da ya shiryar da ku... [19]

Domin ba don ya shiryar da mu zuwa ga wannan hanyar ta samun lafiya ba, da babu wani wanda zai iya shiryar da mu gare ta.

 

NAZARIN MANYAN LIKITOCI KAN TASIRIN AZIMI GAME DA LAFIYA

ü Karanta Cin Abinci Yana Sanya Hutun Hanji

Cin abinci barkatai ne yake sanya takurar ciki da sanya yawan maiqo da qiba sai su taso su toshe kirji ta yadda huhu zai kasa numfasawa cikin annashuwa, don haka ne ma mutane da yawa suke samun dama a lokacin azumi don su dawo da kansu daidai da tsara cikinsu da rage qibarsu don samun sa'ida da walwalar jiki, ta hanyar qaranta cin abinci don su samu hutun hanji.

Akwai bayanai masu yawa na likitanci da suke nuna qarantuwar gubar da take a cikin abinci, da fitar ta daga jikin mutum, a sakamakon yin azumi.

 

ü Azumi Yana Taimakawa Wurin qona Sukari da Maiqo

Azumi yana taimakawa wurin qona sukari, da maiqo da yake cikin hanta da jini da fata, don samun lafiyar zuciya. Akwai bayanai masu yawa da likitoci irin su; Dr. Mark P Mattson [20], Dr. Casey Means [21], Micheal J. Angelos[22] da sauran manyan likitocin duniya suka yi kan wannan lamarin da yake nuna matukar mahimmanci da wajabcin Azumi ga rayuwar mutum.

ü Yunwar Azimi Bata Illa Ga Jiki

Mutumin da yake jahiltar sirrin jikinsa, sai ya dauka cewa, yunwa zata illata shi ne sakamakon yin Azumi, alhalin bai san cewa, yana da ajiyayyen sukari da yake samun amfanin jiki a matsayin gulokojin da aka ajiye a hantarsa wanda zai iya amfana daga gare shi tsawon lokaci, sannan sai ya karkata ga ajiyayyun mai da yake jikinsa, wannan shi ne sirrin da ya sanya zamu ga mutum yana iya amfani da ruwa har kwanaki 40. Sai kuma jiki ya koma tara wasu sinadirai sakamakon hakan ya sake amfani da su don gina gavovinsa da daidaita tsarin rayuwarsu a lokacin Azumi.

Sai dai duk da muhimmancin Azumi ba a yarda kuma a wuce gona da iri wurin yunwata kai ba, don haka daidaito shi ne abin nema. Dr. Valter Longo (USC, USA) da masu taimaka masa sun kawo bayanai masu hadari ga jiki idan ya ci gaba da yunwatuwa tsawon lokaci da ya wuce kwanki 30 – 40.

A nan ne zamu ga hikimar shari'ar musulunci da ta yarda mutum ya yi azumi 30 ne kawai na farilla, ko kwanaki 40 ga masu kaffara. Kuma ya sanya yin sahur a qarshen dare, da buxe baki a farkon dare, ya kuma kwaxaitar dayin sahur xin, kamar yadda Annbi (SAW) yake cewa: ‘kuyi sahur domin akwai albarki a cikin sahur’.

Lallai tafarkin Addinin Manzon Allah Salallahu alaihi wa sallam ne kawai ya yi daidai da ilimi a wannan fagen kamar yadda zamu iya gani.

ü Rashin Lafiyar Da Azumi Kan Yi Wa Amfani

Manyan masana kimiyyar abinci da binke akan azumi duk sun tabbatar da cewa; Azumi yana da muhimman abubuwa da babu wai magani da yake da su da suka haxa da:

1.        Hutun jiki da dawowa asalin kwayoyin halittarsa.

2.        Dakatar da tsotsar sinadirai da suke ragewa a hanji da zubar da su, domin daxewar su a jiki zai iya mayar da su guba.

3.        Dawo da ayyukan gavobi da nishaxinsu da daidaita ayyukansu.

4.        Narkar da sinadaran da suke qari ne a jiki da qona su.

5.        Dawowa da rayuwar kwayoyin jiki da samartaka.

6.        Kiyaye daidaiton karfin jiki.

7.        Gyara gavovin narkar da abinci a jiki.

8.        Buxe kwakwalwa da kara hazaka.

9.        Tsaftacewa da tsarkake fata.

10.   Daidaita bugawar jini da narkar da kitse.

Da sauran abubuwa da za a kawo su anan gaba.

 

Karin Bayanai kan Ra’ayoyin Masana da Masu Bincike

Ga wasu bayanai kan ra’ayoyin wasu masana da masu bincike sukayi game da (azumi), bisa nazari da tattaunawarsu a fannin ilimi, zamantakewa da lafiyar jiki da tunani:

1.   Dr. Jon Holbrook: Ya yi nazari ne akan azumi a matsayin wata hanyar tsarkakewa da daidaita zuciya da jiki. Ya bayyana cewa azumi yana taimakawa wajen qaruwar hankali da natsuwa.

2.     John Dewey (1859-1952): Dewey (Masanin Falsafa ne da ilimin zamantakewa) ya duba azumi ta fuskar ilimi da wayewar kai. Ya ce: “Azumi na koya wa mutum kame kai, sarrafa sha’awa, da haɓaka qwarewar hankali.” ya haɗa shi da falsafar (experiential learning): koyo ta hanyar aiki da tunani.

3.     Dr. Herbert M. Shelton (1895-1985): Shelton ya mayar da hankali ne kan lafiyar jiki da azumi, inda ya nuna cewa azumi na rage qiba, inganta tsarin narkewar abinci, da taimakawa jiki wajen tsaftace sinadarai da toxins.

4.     Dr Morgulis [23]: Morgulis ya mayar da hankali ne kan azumi da falsafar rayuwa. Ya bayyana cewa azumi yana koya wa mutum daidaita buqatu na jiki da na ruhi, yana qara fahimtar da mai yinsa jinqai ga wasu.

5.     Tattaunawar kimiyya da akayi a Ecosse (Scortland): Tattaunawar ta bayyana azumi a matsayin al’adar ɗabi’a da zamantakewa. Ana ganin azumi yana karfafa haɗin kai da mutunci ga al’umma, kuma yana inganta qaunar kai da kula da lafiyar jiki da ruhi.

 

A taqaitaacciyar Fahimta

Duk da bambance-bambancen a fannin nazarin waxannan masana falsafa, amma duk sun yarda cewa azumi yana da tasiri mai yawa a:

1. Ruhi da taqawa

2. Lafiyar jiki

3. Natsuwa da hankali

4. Inganta ɗabi’a da zamantakewa

 

ü Magance Manyan Cututtuka Ta Hanyar yin Azumi

Kwararrun likitoci har zuwa yau, sukan yi maganin manyan cututtuka ta hanyar yin Azumi. Wannan ya na qara mana imani da dokokin da masana da dama suke cewa: "Uwar hanji ita ce gidan dukkan cuta, kariya wato riga kafi ce babban magani".

§ “Uwar hanji ita ce gidan dukkan cuta” → Wannan magana tana nuni da cewa lafiyar hanji da tsarin narkewar abinci yana da matuqar muhimmanci wajen kare jiki daga cututtuka.

Masana kimiyya sun nuna cewa rashin daidaito a hanji na iya haifar da matsaloli da dama kamar cututtukan zuciya, ciwon suga (diabetes), da ciwon ciki da ake kira Basir.

§ “Kariya (riga kafi) ita ce babban magani” → Wannan magana tana nuna mafin ingancin magani shine rigakafi, wato kariya kafin cuta ta shiga jiki.

Wannan ma’anar tana da tushe a kimiyyar zamani.

 

 

 

TASIRIN AZUMI AKAN LAFIYAR JIKI DA RAGE HAƊARIN WASU CUTUTTUKA

1)    Ciwon Sukari (Diabetes Type 2): Azumi na taimakawa wajen daidaita matakin sugar a jini, yana rage insulin resistance. Masu ciwon suga (diabetes) ana so su nemi shawarwarin likita kafin yin azumi, musamman idan suna amfani da magunguna.

2)    Ciwon Zuciya da Hawan Jini: Azumi na rage kitse mara amfani (cholesterol), da rage kitse mai xauke da kolostral da jinni wato (Low Density Lipoprotein LDL), da rage wani nau’in mai (fat) a cikin jini wanda jiki ke amfani da shi don samar da makamashi (Triglycerides,) da rage ciwon kumburi ko qonewar jiki ( inflammation), wanda ke kare zuciya. Yana Rage haɗari musamman idan azumi ya hade da abinci mai kyau da motsa jiki

3)    Rage Qiba (Obesity): Azumi yana rage yawan (calories) wato ma’auni na makamashin jiki. da rage kitsen jiki. Rage qiba na rage haɗarin ciwon zuciya, ciwon suga (diabetes), da ciwon gavovi (arthritis).

4)    Ciwon Hanta da taruwar guba ko duka wasu abubuwa masu cutarwa (Toxic Accumulation): Lokacin azumi, hanta da hanji na samun hutu, wanda ke ingantawa da tsarkake jiki daga dukkan abubuwa masu cutarwa (detoxification).

5)    Ciwon Daji (Cancer) : Nazarin dabbobi da mutane suna nuna cewa azumi na rage canjin sinadarinwajen haduwa da iskar (Oxcygen) wato oxidative, da ciwon gajiya wato stress da lalacewal sinadaran jiki (Cell) wato cell damage, wanda ke rage haɗarin ciwon daji, Ba magani bane, amma yana rage haɗari.

6)    Ciwon Ciki / Gastrointestinal Issues: Azumi yana baiwa hanji hutu, yana inganta narkar da abinci (digestion da microbiome): Yana taimaka wajen rage ciwon ciki da yawan acid wato acidity.

7)    Matsalolin Kwakwalwa (Cognitive Health):  Azumi yana qara sinadaran da ke taimakawa wajen cigaban kwakwalwa (neurotrophic factors) kamar BDNF (an kawo cikakken bayanin sa a baya), yana rage damuwa da stress. Yana taimakawa wajen qarfafa hankali da rage haɗarin lalacewar da ke shafar kwakwalwa (Alzheimer's dementia).

 

ü Wajibin Lura Da Me Ake Ci

Mutumin da yake son zaman lafiyarsa daram shi ne wanda zai lura da me yake ci, yaushe zai ci, yaya zai ci, nawa zai ci, da sauran mas'aloli irin wannan.

Don haka Annabin Rahama Alaihissalam ya karvi kyautar Mariya daga Mukaukis na Masar, amma ya mayar da likitoci, yana mai ba shi amsa da cewar; Mu mutane ne da ba ma ci sai mun ji yunwa, kuma idan muka ci ba ma cika ciki. Sai wannan ya zama wata fomula mai daraja da likitocin Masar suka yi riko da ita a wancan lokaci suna mamakin wannan hikimar, da suka yi amfani da ita wurin warkar da cututtukan da suka addabi al'ummarsu.

 

 

BABI NA HUXU

ABUBUWAN DA LIKITOCIN DUNIYA SUKA GANO

Manyan likitocin duniya (International Medical Experts) sunyi rubututtuka game da tasirin azumi ga lafiyar ɗan Adam.

1. Dr. Yoshinori Ohsumi – Nobel Prize Winner (2016, Physiology & Medicine) Shi ne masanin da ya gano autophagy, wato yadda jiki ke cin tsofaffin qwayoyin da suka lalace lokacin azumi.

Mene ne Autophagy?

Autophagy hanya ce da jikin mutum ke cinye tsofaffin qwayoyin da suka lalace, gubobi, cututtuka da tarkacen jiki domin sake gina sabbin kwayoyin da suka fi qarfi.

Kalmar tana nufin:

Auto = kai                    Phagy = ci

Wato “jiki ya na cinye kansa domin tsarkake kansa.”

Yadda yake aiki

Lokacin da mutum yake azumi na sa’o’i 14–16 zuwa sama, jiki yana shiga wani yanayi da ake kira:

Autophagy mechanism

§ Jiki ya na fara la’akari da abubuwan da basu da amfani.

§ Ya na tattara kwayoyin cuta, da guba, da tsoffin kwayoyin jiki, da tarkacen da ke jawo cuta.

§ Sai ya kone su ko sake sarrafa su ya mayar da su sabbi.

 

Fa’idojin Autophagy

1.   Kare cututtuka

Yana rage hatsarin kamuwa da:

§  Cutar daji (cancer)

§  Cututtukan qwqwalwa (Alzheimer da Parkinson)

§  Ciwon zuciya

§  Ciwon suga

§  Tsufa da wuri

2. Inganta lafiyar kwakwalwa: Yana qara sinadarin BDNF, da ya ke qara kaifin tunani ga qwaqwalwa.

3. Rage qiba da kitse: Jiki ya na qona tsohon kitse don samar da ingantancen makamashi.

4. Gyaran qwayoyin jiki: Qwayoyin da suka lalace akan gyara su ko a maye su da sabbi.

Wani babban abu shi ne, binciken Dr. Yoshinori Ohsumi a 2016 kan autophagy wanda ya samu Nobel Prize, saboda wannan tsari shi ne: “Sirrin tsawon rai” da asali na yadda azumi ke amfani jiki.

 

Abubuwar da ke qara autophagy?

• Azumi (na Musulunci ko Intermittent fasting)

• Rage cin abinci mai yawa

• Wasannin Motsa Jiki (Exersise)

• Rage amfani da abinci mai kara kuzari sosai (carbohydrates)

Lokacin da mutum ya yi azumi, jiki ya na fara; gyara qwayoyin jiki, cinye guba da qwayoyin da suka lalace, rage haɗarin cutar daji da kuma rage tsufa (anti-aging)

Tasirin da likitoci suka tabbatar:

·         Azumi yana tsabtace jiki daga tarkace marasa amfani (toxins)

·         Yana sanya jiki ya samu sabbin qwayoyin lafiya

·         Yana hana qwayoyin daji su haɓaka

2. Dr. Valter Longo – na University of Southern California qwararre a azumi (Fasting Expert) Marubucin the Longevity Diet, kuma ɗaya daga manyan masana a (fasting world-wide), ya binciko tare da tabbatar da cewa yawaita azumi:

✔ Ya na rage kitse da sukari (cholesterol & sugar), ya na kuma rage qiba
✔ Ya na qara tsawon rayuwa
✔ Ya na inganta garkuwar Jiki (immune system)
✔ Ya na rage haɗarin kamuwa da cututtuka, kamar:
– Ciwon zuciya
– Cututtukan qwaqwalwa (Alzheimer)
– Ciwon suga (Type 2)
– Cutar daji (Cancer)

Ya ce: “Fasting is the most powerful natural medicine for the body.” Wato azumi ne babban magani ga jiki.

3. Dr, Mark Mattson –Na Johns Hopkins University (Professor in Neuroscience). Masanin kimiyar qwaqwalwa ne kuma xaya daga cikin mnyan a duniya kan azumi,ya kwashe fiye da shekaru 30 yana bincike akan azumi, a qarshe ya bayyana cewa:

ü Azumi yana qara qarfafa kwakwalwa.

ü Yana rage damuwa, matsanancin tunani, da mantuwa.

ü Yana qara sinadarin BDNF wanda ke sa kwakwalwa ta qara basira.

Wannan ya siffanta yadda malamai suka ce: azumi yana nutsar da hankali da qara kaifin tunani.

4. Dr. Jason Fung – Canada (World Renowned for Diabetes Reversal) Likitan da ya fi shahara wajen maganin ciwon suga ta hanyar azumi.

Abubuwan da ya tabbatar sune:

ü Azumi yana rage (insulin resistance) wato jiki ya daina karbar sinadarin insulin sosai.

ü Yana dawo da lafiyar hanji

ü Yana rage qiba ba tare da illa ba

ü Yana ba jiki damar qona kitsen ciki (visceral fat)

Ya tabbatar da cewa azumi na iya: kawar da ciwon suga nau’in 2 (da kulawar likita)

5. Harvard Medical School (USA): Binciken su ya nuna cewa:

ü Azumi yana rage kitse mara amfani (cholesterol LDL)

ü Yana inganta bugawar jini (blood pressure)

ü Yana rage haɗarin cukar varin jiki (stroke)

ü Yana rage cuwon kumburin jiki (inflammatory diseases)

Harvard sun bayyana cewa: (“Intermittent fasting is one of the most effective ways to reset the body’s metabolism.”) wato azumin Lokaci-lokaci xaya ne daga cikin hanyoyi mafi tsari don sake saita tasrin narkar da abinci na jiki

6. Mayo Clinic (USA – one of the top hospitals in the world) xaya daga cikin manyan asibitici na duniya, sun tabbatar da cewa azumi:

·         Yana daidaita yawan jinin sugar

·         Yana rage qiba

·         Yana inganta lafiya gaba ɗaya

·         Yana taimakawa wajen kawar da guba mara kyau (detoxification)

7. (World Health Organization WHO): wato qungiyar lafiya ta duniya ta ce:

ü Azumi yana da muhimmiyar rawa wajen rage kiba

ü Yana rage cututtuka masu alaqa da cin abinci fiye da qima

ü Yana inganta juriya da qarfafa rigakafi

Likitoci Na Tilastawa wanda za a Yiwa Tiyata Yin Azumi

Haka nan likitoci su kan tilastawa wanda za a yi wa wata babbar tiyatar aiki ko ba ta hanji ba, su ce ya yi azumi kafin tiyatar, saboda a lokacin jiki ya samu ya huta daga duk wata hayaniyar yau da kullum ta stress da sauransu. Sai an dora mutum a teburin tiyata ne kawai ake sa masa ruwan sukari.

Ita kuma hanta kan fito da abincin da ta tara (irinsu sinadaran (glycogen) (fatty acid) na kitse) don jiki ya sarrafa su zuwa sukari wanda yake ba da kuzari na dan wani lokaci don amfanin jiki, domin ita hantar ta fara shirin ajiye sabo.

 

Daidaiton Maganaganun Malamai Dana Masana

Malamai tun daxaxɗe qarni sun ce: “Azumi yana kare jiki, yana gyara zuciya, yana rage cututtuka.”

A yau, binciken likitocin duniya da manyan masana ya tabbatar da haka.

 

BABI NA BIYAR

YADDA AZUMI KE AIKI A JIKI

(Scientific Mechanisms)

1. Autophagy (Mun kawo Ma’anarsa a baya)

o   Jiki yana cinye gurvatattun cells

o   Yana samar da sabbin cells

o   Yana rage haɗarin cutar daji

2. Hormonal Reset: Hormonal Reset yana nufin jiki ya dawo da daidaiton hormones (sinadaran da ke sarrafa yunwa, koshi, barci, kuzari da kiba).

Yana faruwa ne saboda:

§  Azumi

§  Barci mai kyau

§  Rage damuwa

§  Motsa jiki

§  Cin abinci mai kyau

·        Amfaninsa:

§  Rage kiba

§  Kara kuzari

§  Inganta barci

§  Rage damuwa

§  Inganta lafiyar jiki gaba ɗaya

3. Fat Burning: Fat Burning a takaice shi ne:

Tsarin da jikin mutum ke qone kitsen da ya ajiye ya mayar da shi kuzari. Wannan yana faruwa ne idan jiki ya rage samun abinci ko sukari, sai ya koma amfani da ajiyayyen-kitse domin ya sami kuzari. Wannan shi ne asalin raguwar kiba.

Fata Burning: Yana taimakawa kitsen ciki (visceral fat) da yake assasa ciwon zuciya ya qone sosai.

4. Ketosis: Ketosis yanayi ne da jiki ke shiga idan ya rasa isasshen abinci masu qara kuzari (carbohydrates) daga abinci, sai ya fara qone kitsen da ya ajiye domin samar da makamashi.

Muhimman bayanai:

§ Jiki na samar da ketones daga kitsen da aka kone.

§ Wannan ke ba jiki kuzari lokacin da glucose ya yi qasa.

§ Ketosis yana taimakawa wajen:

o   Rage qiba

o   Inganta kuzari

o   Inganta lafiyar zuciya da jini

o   Inganta metabolism

A takaice: Ketosis shi ne lokacin da jiki ya koma amfani da kitsen da aka ajiye a matsayin makamashi saboda rashin carbohydrates.

– Jiki yana canza makamashi daga sugar zuwa ketones
– Wannan yana kara kuzari da natsuwar kwakwalwa

Marasa Lafiyar Da Azumi Kan Yi Wa Amfani

Wannan shi ya sa a addinance da kuma a likitance ba kowa ne aka yarda ya yi Azumi ba. Duk da haka kuma, akwai marasa lafiyar da azumi kan yi wa amfani sosai wadanda su ma za muji amfanin Azumi a gare su.

 

Ilimin likitanci ya tabbatar da cewa yin Azumi yana daga mafi muhimmancin hanyar da mutum zai samu lafiya, kuma abu ne na tilas a rayuwar mutum ga wanda yake son lafiyarsa ta inganta.

Barin Cin Abinci Na Wasu Kwanaki

Hikimar Allah madaukakin sarki ta tabbatar da cewa hatta dabbobi suna barin cin abinci na wasu kwanaki a shekara don samun dai-dai-to a rayuwarsu da lafiyar jikinsu, masu dabbobin sukan dauke shi wani lokaci a matsayin rashin lafiya alhalin lafiyar dabbobin kalau. Kaji hikimar ubangiji buwayi gagara misali.

Bincike ya nuna cewa kowacce dabba tana da wani zango (marhala) da dole ne ta taqaita cin abinci a cikinta don samun daidaito a lafiyar jikinta.

Likitoci Na Rubuta Wa Mutum Yin Azumi

Waxansu za su yi mamaki idan suka ji cewa a yanzu haka likitoci a fadin duniya har a qasashen da babu addini sosai, suna iya rubuta wa mutum azumi domin kiyayewa ko magance wasu matsaloli na rashin lafiya.

Wato maimakon su ba mutum magani, sai su ba shi shawara cewa ya riqa yin azumi, kamar yadda wasunsu kan ce mutum ya riqa yawan motsa jiki. Irin azumin da likitocin zamanin nan suka fi rubutawa shi ne irin azumin Annabi Dawud (AS), wato mutum ya yi azumi yau, gobe ya sha, wanda a likitance suke kira Intermittent Fasting.

5. Tasirin Azumi ga Hanta, Koda, Jini da Zuciya

a. Hanta (Liver)

Ø Azumi ya na taimakawa hanta wajen tsarkake jini da fitar da guba.

Ø Yana rage kitsen da ke taruwa a hanta, wanda ke taimakawa wajen hana ciwon hanta mai kitsen (fatty liver disease).

Ø Lokacin azumi, hanta tana sarrafa glycogen don samar da kuzari yayin da jiki ke rashin abinci.

b. Koda (Kidneys)

Ø Azumi yana taimakawa koda wajen daidaita ruwa da sinadarai a jiki.

Ø Yana rage matsa lamba ga koda, wanda ke taimakawa kuvucewa kamuwa da ciwon koda.

Ø Yana qarfafa tsaftar jini da fitar da abubuwa marasa amfani daga jiki.

c. Jini (Blood)

Ø Azumi yana taimakawa wajen daidaita glucose da cholesterol.

Ø Rage (bad cholesterol) kolastila maras kyau (LDL) da qara (good cholesterol) kolastila mai kyau (HDL).

Ø Yana rage yiwuwar hawan jini da ciwon zuciya.

d. Zuciya (Heart)

Ø Azumi yana rage inflammation (quna da kumburi a jiki) wanda ke haifar da cututtuka kamar cutar toshewar hanyoyin jinni da kitse (atherosclerosis).

Ø Yana inganta zagayen jini a jiki (circulation) da qarfafa zuciya.

Ø Yana taimakawa rage haɗarin kamuwa da ciwon zuciya.

6. Tasirin Azumi ga Kwakwalwa da Tunani

a. Inganta aikin kwakwalwa

• Azumi yana qara sinadarin BDNF (Brain-Derived Neurotrophic Factor), wanda ke taimakawa wajen:

Ø Qara kaifin tunani

Ø Qara lafiyar qwaqwalwa

Ø Rage alamun damuwa (depression)

 

b. Rage damuwa da gajiya

Ø Azumi yana taimaka wa kwakwalwa wajen daidaita hormone na stress (cortisol).

Ø Mutum yana samun nutsuwa da qarin juriya ga damuwa.

c. Kare kwakwalwa daga cututtuka

§  Binciken kimiyya ya nuna cewa azumi na rage haɗarin cukuttukan qwaqwalwa (Alzheimer, da Parkinson) da sauran cututtuka masu alaka da tsufa.

§  Yana rage kumburi (inflammation) a kwakwalwa, wanda ke kare qwayoyin kwakwalwa.

§  Yana qara nutsuwa da fahimta

§  Yayin azumi, mutum yana qara mayar da hankali ga addini da tunani mai kyau.

§  Wannan yana taimakawa wajen tsarkake zuciya da hankali, da kuma inganta rayuwa ta ruhi.

 

 

 

 

BABI NA SHIDA

AMFANIN AZUMI GA CUTUTTUKA

1. Ciwon Suga

Azumi yana rage (insuling resistance), wato jiki ya daina karvan sinadarin insulin, sannan yana kawar da {prediabetes), wato matakin farko na kamuwa da sutar sukari, hakanam azumi ya shahara a duniya a matsayin magani.

Masu ciwon suga, su ma azumi kan sassaita yawan sugan jikinsu, sai dai akan shawarce su da su riqa yin amfani da na’urar auna suga a kullum saboda sugar zai iya yin qasa sosai su galabaita. Sai dai ana so mai ciwon suga mai amfani da allurar insulin ya shawarci likitan da ya ke ganinsa ko zai iya yin azumin, kuma ta yaya zai sassaita allurar saboda bambancin lokacin cin abinci.

Wani Kwararren Likita yace: Yin azumi a kai a kai yana xaya daga cikin sahihan hanyoyin magance ciwon suga nau’in type-2. (kamar yadda muka kawo a baya)

2.   Ciwon Zuciya da Hawan Jini

Yin azumi akai akai

– Yana Rage cholesterol (kitse mara kyau)
– Yana Rage hawan jini
– Yana Karfafa zuciya

Hakanan masu cutar hawan jini, hawan jinin nasu ya kan qara sassaituwa ga wasu mutanen a yayin da suke azumi, kamar yadda binciken masana da dama nuna. Misali, wani likita dan kasar Amurka mai suna Dr. Goldhamer da ya qware a bincike kan azumi, ya yi nazarin amfanin azumi ga masu hawan jini. A cikin mutane masu hawan jini da ya gwada ya yin da suke yin azumi, kashi 98 cikin 100 ba su bukaci magungunansu ba a tsawon ranakun da suka dauka suna azumi na wasu awoyi, wato azumi kawai ya sassaita hawan jinin nasu. Amma dai hakan ba ya nufin mutum ya ajiye maganin ya daina sha gaba xaya ba, sai likita ya auna shi ya ce ya huta.

3.   Ciwon Qiba

Azumi yana maganin rage qiba mafi inganci, qibar da bata komawa (no rebound weight). Azumi na taimaka wa masu fama da cutar qiba domin yana rage mummunar qiba da kuma sauran sinadaran da jiki ba ya bukata.

4.   Cutar Alzheimer da Mantuwa

Menene Alzheimer? Cutar Alzheimer cuta ce mai shafar kwakwalwa ɗan adam. Tana faruwa ne musamman ga tsofaffi, tana iya shafar wasu matasa, amma idan akwai wasu abubuwan haɗari da zasu haddasata.

Alamomin cutar sun haɗa da:

·     Mantuwa mai yawa

·     Rashin iya tsara abubuwa

·     Qarancin fahimta da hankali

·     Sauyin hali da halaye

b. Menene Mantuwa (Memory Loss)? Mantuwa yanayi ne da mutum ke rasa ko qara matsala wajen tuna abubuwa. Yana iya faruwa a kowane lokaci na rayuwa, amma yana qaruwa da yawan shekaru.

Mantuwa na iya zama na ɗan lokaci ko na dindindin (kamar a Alzheimer).

c. Dalilan da ke haddasa Alzheimer: Tsufa da shekaru: kwayoyin kwakwalwa suna raguwa.

§  Inflammation a kwakwalwa: kumburi da yawaitar guba.

§  Rashin motsa jiki da cin abinci mara kyau.

§  Kwayoyin cuta da guba in suka taru a qwaqwalwa.

§  Rashin natsuwa da damuwa mai yawa.

d. Yadda Azumi ke taimakawa wajen rigakafi

Azumi na qara autophagy, wato ya na tsaftace kwayoyin kwakwalwa daga guba, ya na rage inflammation, wanda ke rage haɗarin kamuwa da cutar kumburi. Yana qara sinadarin BDNF, wanda ya ke taimakawa qwaqwalwa wajen sabunta qwayoyin tunani ga qwaqwalwar.

Rage kiba da daidaita insulin da kitse mara amfani (cholesterol), wanda kimiyya ta tabbatar yana rage haɗarin kamuwa da cutar Alzheimer.

 

e. Kula da kwakwalwa

•   Yin azumi lokaci-lokaci

•   Cin abinci mai kyau

Da ya kunshi (Omega-3) wato wasu mai ne masu amfani ga jiki (healthy fats) da jiki ba zai ya qirqirarwa ba, sai dai a samu daga abinci, ana samu ne a gyaxa, man zaitun, kifi sadin, da sauransu. Sai kayan lambu, da ‘ya’yan itatuwa.

•   Motsa jiki da motsa kwakwalwa, wajen yin karatu, da wasanni na tunani.

•   Rage damuwa da samun isasshen barci

A takaice: Alzheimer cuta ce mai shafar kwakwalwa da tunani, amma azumi da salon rayuwa mai kyau na taimakawa wajen rage haɗarinta da kuma kare qwaqwalwa.

5.   Cutar Borin Jiki Da Daji

Yawan Azumi kariya ne daga cututtuka da sukan faru dalilin borin jiki (inflammation) irin su sanyin kashi da sauransu. Masana suka kara da cewa ban da irin waxannan cututtuka Azumi har kiyaye cututtukan daji zai iya yi, saboda shi ma daji sanadinsa shi ne borin jiki. Haka nan sun kara da cewa yawan azumi a kuruciya yana iya rage kaifin tsufa da alamominsa wato irin tamojin xinan da tattarewar fata da tsufa.

6. Lafiyar Jiki Da Tinani Da Qwaqwalwa

Da farko dai Azumi na xaya daga cikin hanyoyin gyara lafiyar jiki da ta tunani wato lafiyar kwakwalwa, domin binciken kimiyya ya tabbatar a wasu lokuta ciki da hanji sukan bukaci hutu daga kowane irin abinci na wani xan lokaci. Hakan kan sa kitsen jiki ya narke, sinadarai da guba da hanta ta tara kuma su qone. Jiki kan narka kitse ne ta hanyar amfani da shi a matsayin abinci. Wannan kan sa mutum ya dan save.

Ban da tacewa da qona guba, har ila yau hanta kan fito da abincin da ta tara (irin su sinadaran glycogen da fatty acid na kitse) don jiki ya sarrafa su zuwa sukari wanda yake ba da kuzari na dan wani lokaci don amfanin jiki, domin ita hantar ta fara shirin ajiye sabo. Wannan ma kaxai kan qara lafiyar hanta.

7. Hutawatar Hanji

Bayan hanta shi ma hanji yakan samu ya dan huta na wani lokaci ya daina kumburi ko cushewar da yake yawan yi a wasu mutanen, musamman irin masu cututtukan hanji daban-daban.

8. Cutar Shaye Shaye

Ga masu shan miyagun kwayoyi da taba sigari, Azumi na xaya daga cikin hanyar horar da kwakwalwa barin sabo da su, wato barin nacin begen abin shan (addiction). Wato Azumi zai iya maganin addiction tunda Azumi na tarbiyyantar da jiki da kwakwalwa a kan kore begen ko ma mene ne mutum ke ta’ammali da shi. Ga mai so ya daina wannan dabi’a, Azumi zai iya taimakonsa kwarai da gaske.

9. Ciwon Damuwa

Masu yin Azumi suna cike da tunani na annashuwa domin hasashen lada na aikin ibada, wanda wannan annashuwa kaxai wani qarin lafiya ne ga tunani da aikin kwakwalwa. Wannan ne ya sa masana ke ganin Azumi zai iya tasiri akan ciwon damuwa na (depression), da ciwon gajiyar yau da kullum wato (stress).

Waxansu za su ce ai duk jiki zai iya samun waxannan ba tare da Azumi ba, sai masana kimiyya suka ce, eh haka ne amma me yasa ko a wurin gwaje-gwaje na Asibiti wurin auna sukari da maikon jini da wasu sinadaran jiki akan ce mutum sai ya yi Azumin akalla awa takwas kafin a auna su? Domin a lokacin ne jiki ke nuna sinadarai na hakika ba na zukale ba.

10. Qone Sinadaran Da Jiki Baya Buqata

Azumin na taimaka wa jiki wajen qone dukkan sinadaran da ba ya buqata, ta yadda garkuwar jikin xan Adam za ta samu daidaito da qarin kuzari cikin ’yan sa’o’i da fara azumin.

Manyan likitocin duniya da cibiyoyin bincike na kimiyya sun bayyana cewa azumi (fasting) yana da muhimman fa'idodi ga lafiyar jiki da kwakwalwa, ba kawai a matsayin ibada ba, har ma a matsayin hanya ta lafiya (medical therapy) kamar yadda mukaji a baya.

Azumi ya na rage matsalolin ciki kamar ciwon ulcer, gyambon ciki, da kumburin ciki da basir.

Annabi Salallah Alaihi Wasallam ya yi gaskiya, sabo da faxinsa: "Azumi shine tsayayyen shinge (protection) daga wuta da kuma cututtuka." [24]

Matsalolin Da Za Su Iya Samun Mai Azumi

Ø Qarancin ruwa a Jiki

Ø Yawan Gajiya

Ø Yawan Ciwon kai

Ø Ga masu shan magani, akwai bukatar shawarar likita

Ø Mata masu juna biyu da masu shayarwa masu rauni su nemi shawara ga Likitoci

 

Qarancin Ruwa a Jiki (Dehydration) a Lokacin Azumi

Lokacin azumi, musamman a watan Ramadan ko lokacin da rana take da tsawo, jiki na iya rashin isasshen ruwa, wanda ke haifar da matsaloli da dama.

Yawan Gajiya: Rashin abinci da ruwa a jiki yana sa qarfin jiki ya ragu, mutum ya fi gajiya ne a lokacin da babu isashshen abinci ko ruwa a jikin sa, hakanan yana rage kuzari da qarfi.

Yawan Ciwon Kai: Rashin abinci da ruwa ya na iya haifar da ciwon kai mai tsanani. Inda mutum zai iya samun matsaloli wajen rashin samun natsuwa da yin wasu ayyuka.

Ga Masu Shan Magani:  Idan mutum ya na shan magani, yana da muhimmanci ya tuntuɓi likita kafin azumi. Domin wasu magungunan na iya sa jiki ya raunana, wanda hakan zai iya kawo haɗari ga lafiya.

Shawarwari Don Kare Rashin Ruwa a jiki (Dehydration)

§ Shan ruwa mai yawa a lokacin buxe baki da sahur.

§ Cin ’ya’yan itatuwa da kayan lambu masu ruwa.

§ Gujewa abinci masu yawan gishiri sosai waxanda su ke kawo qarancin ruwa.

§ Yawan zama wuri mai inuwa, musamman idan ana rana mai zafi a qauracwa shiga cikin rana.

BABI NA BAKWAI

CUTUTTUKAN DA BA SA BARI A YI AZUMI

Akwai wasu larurori na rashin lafiya wadanda a Addinance ba a xorawa masu su yin Azumi ba. Domin Allah ya yi da rangwame ga waxanda suke ke da uzuri na irin waxannan cututtuka masu tsanani. Ga wasu cututtuka da ba sa bari mutum ya yi azumi:

1. Ciwon Suga da yake da Tsanani (Diabetes – Type 1 & Type 2): Domin ana buqatar shan magani akai-akai ko cin abinci a lokaci na musamman. Azumi na iya sa hypoglycemia (raguwar suga) ko hyperglycemia (yawaitar sugar), wanda zai iya kai mutum ga suma ko mutuwa. Masu amfani da insulin galibi ba su da ikon yin azumi sai da izinin likita.

2. Ciwon Qoda (Kidney Disease); Musamman tunda mai ciwon yana buqatar shan ruwa da yawa, domin rashin ruwa na tsawon sa’o’i yana iya qara lalata qoda, ko da buqatar yi masa (dialysis). Wata hanya ce ta tsabtace jini ga mutanen da kodar su ba ta aiki yadda ya kamata.

3. Ciwon Qwaqwalwa mai tsanani; Idan ana amfani da magungunan ciwin qwaqwalwa a lokaci na musamman, barin maganin saboda azumi na iya haddasa qaruwar ciwon, don haka wannan ciwon shima baya bari ayi azumi.

4. Ciwon Gyambon Ciki (Ulcer mai tsanani)

Rashin cin abinci ga mai wannan ciwon, na iya sa acid ya qaru a ciki, hakan na iya haddasa zafi, ko zubar jini ko hargitsin ciki, wanda za a iya galabaita sosai.

5. Tarin Fuka (TB) ko Ciwon Numfashi (Asthma)

Suma waxannan cututtuka ana buqatar amfani da maganin shaqawa (inhaler) ko shan magani a kai akai. Azumi zai iya haddasa wahalar numfashi ko taqaita shi.

6. Ciwon Hanta; Ga masu xauke da ciwon hanta, su na buqatar tsarin cin abinci na musamman da shan magani. Azumi zai iya janyo gajiya, amai ko qarancin jini.

7. Mutane da ke cikin Jinya ko Rauni mai Tsanani

• Misali: Masu jiyar rauni da aka yiwa aikin tiyata (surgery), ko waxanda ake yiwa (chemotherapy) wani magani ne da ake amfani da shi wajen kashewa ko dakile ciwon daji (cancer) a jiki.

8. Masu Ciwon Zuciya Mai Tsanani (Heart Disease)

Domin suma suna amfani da magunguna akai-akai da buqatar cin abinci nau’i na musamman. Idan suka tsallake magani ko ruwa, suna iya haxuwa da haxari.

9. Masu Juna Biyu Da Masu Shayarwa

Su ma akan yi musu sauki, saboda irin waxannan larurori suna bukatar fatawoyin malamai, da shawarwarin likitoci, don a tabbatar musu za su iya azumi ko akasin haka da kuma hanyoyin ramuwa ko kaffara. Domin kada su galabaita ko su saka abin da suke xauke da shi wahala. (zamu kawo cikakken bayani a darisi nag aba)

Akwai wasu da dama masu irin waxannan larurori da su ma ke buqatar fatawa dag malamai makusanta da su don a tabbatar za su iya azumi ko akasin haka.

 

Me ya kamata Masu Waɗannan cututtuka Suyi?

Masu waxannan cututtuka da muka ambata, ya kamata su tuntubi likita nagari (Musulmi idan zai yiwu) kafin yanke shawara. Idan azumin zai iya cutar da su ko qara musa ciwo, shari’a ta yarda su sha, sai a rama daga baya, ko a ciyar idan ba za a iya rama yin azumin ba.

Alqur'ani mai tsarki yana cewa:

وَمَن كَانَ مَرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۗ البقرة: 185

Ma’ana

"...Wanda ya kamu da rashin lafiya ko yana halin tafiya, to ya rama daga wasu kwanaki." [25]

 

 

BABI NA TAKWAS

KAMANCECENIYA DA BAMBAMCIN AZUMIN MUSULUNCI DA INTERMITTENT FASTING

·     Azumin Musulunci

Shi ne kaucewa abinci, da abin sha, da saduwa da iyali, da duk abin da yake karya azumi, tin daga fitowar alfijir har zuwa faduwar rana, saboda girmama Allah.”

Shi azimin Musulunci, ba a cin komai daga hudowar rana har zuwa faxuwar rana (yamma)
Ana kiyaye salla da ibada a lokacin da ake yin sa, ana yin sahur a qarshen dare, sannan a gaggauta buxe baki a farkon dare, kamar yadda yazo a hadisi,

عـن سَهل بِن سعد رَضى اللهُ عنهُ أنَّ رسول اللهِ صلى اللهُ عليهِ وسلَّم قال: لاَ يزَّالُ النّاس بخَيْرٍ مَا عَجْلو الفِطْر.  متفق عليه.

Daga Sahl xan Sa’ad- Allah ya yarda da shi, Lalle Manzon Allah tsira da aminci su tattaba a gare Shi- ya ce: Mutane ba zasu gushe ba a cikin alheri matuqar suna gaggauta buxa baki. (Sahih Bukhari 10198)

عن أَنس بن مالك رضى الله عنه قال: ما رأيت رسول الله صلى الله عليه وسلم قطُ صلَّى صلاة المغْرُبِ حتى يَفْطرولَوْ على شربَة من الماءِ. رواه ابن حبّان.

Daga Anab bn Malik (R.A) ya ce: ban tava ganin Annabi tsira da amincin Allah su tabbata a gare Shi yayi Sallar Magriba ba, face ya yi buxa baki koda da kurbar Ruwa ne. Ibn Hibban ya ruwaito.

 

Jinkirta Sahur: Anso a jinkirta sahur, saboda hadisin Anas da Zaidu xan Sabit Allah ya yarda dasu suka ce: munyi Sahur tare da Manzon Allah tsira da amincin Allah su tattabata a gareShi, sannan sai ya taShi zuwa salla, aka ce tsakanin gama sahur dinku da tayar da sallarKu zai kai ya ya? Sai suka ce: zai kai kimanin a karanta ayoyi hamsim (50) na alqur’ani.  

 

Anas bn Mali ya ruwaito Hadisi daga Manzon Allah tsira da amincin Allah su tabbata agare Shi. Cewa Annabi (S.A.W) ya ce: Kuyi sahur acikinsa akwai albarka.

 

·     Intermittent Fasting? (Azumin likitanci)

Shi kuma Intermittent Fasting (IF) na nufin tsarin cin abinci da mutum ke rage lokacin da yake ci a kullum, yana barin lokaci mai tsawo ba tare da ya ci komai ba, sai ruwa kawai ko wasu abubuwan da ban.

Wato ba wai irin azumin Ramadan ba ne, amma azumi ne na lafiya da tsarin rayuwa wanda ake amfani da shi don: Rage kiba, Inganta lafiyar jiki da kwakwalwa, da kuma tsarkake jiki daga cututtuka

·     Yadda Intermittent Fasting Ke Aiki

Intermittent fasting yana aiki ne ta barin jiki ya huta daga sarrafa abinci, domin Jiki ya qone mai, kuma yana sa sauqin narkewar abinci, yana saukar da sinadarin insulin, yana taimakawa gyaran sel (autophagy)

Nau’ukan Intermittent Fasting

Nau’i	Bayani
16/8	Cin abinci cikin awanni 8, Azumi awanni 16. Misali: ka ci daga 12:00pm – 8:00pm, sauran lokutan azumi.
5:2 Diet	Cin abinci na yau da kullum tsawon kwanaki 5, sai rage kalori sosai (500–600) a kwanaki 2.
Eat-Stop-Eat	Kafa azumi na awanni 24, sau 1 ko 2 a mako.
Alternate Day Fasting	Cin abinci ranar yau, azumi gobe, haka a jere.
One Meal A Day (OMAD)	Cin abinci sau 1 a rana kawai – misali da yamma ko dare.

·     Amfanin Intermittent Fasting Ga Lafiya

1)    Rage qiba: yana taimakawa rage nauyi da mai.

2)    Rage sugar (glucose) da insulin: yana da amfani ga masu ciwon suga (Type 2 diabetes).

3)    Inganta lafiyar qwaqwalwa: ya na qarfafa fahimta da rage damuwa.

4)    Gyaran jiki (Autophagy): ya na tsabtace sassan jiki daga gurvatattun sel.

5)    Inganta zuciya: yana rage cholesterol da matsin jini (blood pressure).

6)    Kare daga cututtuka kamar kansa, da dai sauransu.

 

Waxanda basu kamata da yin shi ba har sai sun tuntubi likita sune:

•   Mata masu ciki ko masu shayarwa

•   Masu ciwon suga mai tsanani

•   Masu matsananciyar yunwa ko ciwon gyambon ciki (ulcer)

•   Masu fama da rashin lafiya ko kumburi mai tsanani.

Intermittent Fasting ba wani abinci bane, amma tsari ne na cin abinci cikin lokacin da aka ware, domin gyaran jiki da lafiyar zuciya da qwaqwalwa. Yana kama da azumin Musulunci, amma ba ibada ba ne, ana yi ne da niyyar lafiya.

 

 

 

BABI NA TARA

HANYAR CIN ABINCI MAI LAFIYA YAYIN BUXE BAKI (IFTAR)

Abincin Da Ya Fi Dacewa Wajen buxe baki (Iftar)

Buxe baki na da matukar muhimmanci domin dawo da kuzarin da jiki ya rasa, shi yasa ake son cin abici cikin tsari, kuma lafiyayye waxanda baza su wahalar da jiki ko kawo matsala ga lafiya ba.

Ruwa da abubuwan sha

§ Ana so a fara da dabino (in ya samu), sai ruwa mai kyau domin mayar da ruwan da jiki ya rasa.

§ Za a iya shan zobo, ko kunu ko koko ko haxaxxen kayan itace masu ɗanɗano, da suke xauke da sinadarai masu amfani ga jiki.

§ A guji shan abun sha mai xauke sukari mai yawa, domin hakan ba zai taimaka wa jiki ya dawo da kuzarin da ya rasa da wuri ba.

‘Ya’yan itatuwa

‘Ya’yan itatuwa kamar markaxaxxun ayaba, kankana, lemun zaqi, suma suna qarawa jiki qarfi, kuma suna qara ruwan da jiki ya rasa,

Hakanan suna taimakawa wajen saka kuzari cikin sauri ba tare da cutarwa ga jiki ko ciki ba.

Abinci mai sauqin narkewa: Za a iya cin abinci mai saurin narkewa kaxan, kamar shinkafa, talitya da makamantansu domin jiki ya samu qarfi.

Abincin mai Xauke da Sinadarin Furotin: cin abinci mai xauke da sinadarin Furotin shi ma ya na taimakawa wajen gyara tsokoki da qwayoyin jiki, kamar kifi, naman kaza, wake, kwai, madara da makamantan su.

Ammafa kada a ci da yawa a lokaci xaya, domin su a hankali jiki yake sarrafasu.

Gujewa abinci masu kitse ko Mai: Ana son a guji cin abinci mai kitse ko mai da yawa, domin ya na jawo nauyin jiki da matsaloli a cikin ciki da rashin narkewar abinci da wuri, (idan jiki yai nauyi zai sa akasa yin Sallar Tarawih (Sallar Asham).

Rage cin Abinci ko abin Sha mai Sukari da yawa: ana son a rage ci ko shan abinci mai xauke da Sukari mai yawa, domin ya na gajiyar da jik sosai.

Yin Addu’ar buxe baki kamar yadda addini ya koyar a

na yi ne lokacin buxe baki (in an kai azumi), don neman albarka da gafara daga Allah.

Allahumma inni laka sumtu wa bika aamantu wa ‘alayka tawakkaltu wa ‘ala rizq-ika-aftartu

Ma’ana:

 

“Ya Allah, na yi azumi ne domin Ka, na yi imani da Kai, na dogara ga Kai, kuma da rizqinka nake bude azumina.”

Ana karanta wannan idan aka bude azumi (Iftar). Hakanan za a iya kuma yin addu’o’in musamman na iftar, kamar neman gafara, lafiya, da albarka.

Sannan bayan minti 15–30, sai a ci abinci mai sauqin narkewa, hakannan ana son shan ruwa mai yawa tsakanin buxe baki da sahur.

 

Jadawalin Cin Abinci Mai Gina Jiki a Lokacin Azumi

Lokaci	Abinci & Sha	Bayani / Fa'ida
Iftar (Buxe Baki)	Ruwa, 'ya'yan itatuwa (dates, ayaba, kankana, lemun tsami)	Mayar da ruwa da kuzari na halitta, sinadarin antioxidants, da fiber
Bayan minti 15–30	Abinci mai sauqin narkewa: shinkafa, gero, masara, dankalin turawa, miya mai kayan lambu	Inganta narkewar abinci, samar da kuzari cikin sauri
Furotin	Kifi, kaza, wake, kwai, madara	Gina tsokoki, qwayoyin jiki, da qarfafa garkuwar jiki
Kayan lambu	Karas, kabewa, latas, tumatir, wake mai ganye	Fiber, sinadaran vitamins da minerals, taimakawa narkewar abinci
Abin Sha	Ruwa mai yawa, kamar zobo, lemun zaki, ruwan kayan itatuwa	Mayar da ruwa da sinadarai masu amfani, rage gajiya
Guji	Fried foods, abinci mai kitse sosai, sugar mai yawa	Hana jin nauyi, ciwon ciki, da rage kuzari
Sahur	Ruwa, koko maiqarancin sukari, kwai, wake, 'ya'yan itatuwa	Bayar da kuzari mai ɗorewa har zuwa iftar, rage yunwa, kiyaye ruwa a jiki

 

Abincin Da Ya Fi Dacewa a Sahur

A yayin Sahur ana son cin abinci mai fiber da furotin waxanda su ke bayar da kuzarin da zai ɗore har zuwa shan ruwa (iftar).

•  Misali: koko mara sukari sosai, kwai, wake, 'ya’yan itatuwa, ko hatsi kamar shinkafa, ko tuwon masara ko na gero. Amma a guji mai maiqo da yawa domin zai iya kawo yawan jin qishirwa,

Wasanni da Motsa Jiki

Ana son a motsa jiki ba da yawa ba, bayan shan ruwa, kamar tafiyar a qasa.

Yin Sallar Tarawihi (Asham) itama tana taimakawa wajen jiki ya motsa, sannan abinci yayi saurin narkewa,

Ana so a gujewa motsa jiki da yawa kafin shan ruwa, domin a lokacin jiki bashi da kuzari da yawa.

 

 

BABI NA GOMA

AZUMIN NAFILA DA BA NA RAMADAN BA

Kamar yadda muka ji mahimmancin da azumi ke da ga lafiyar mu, don haka bai kamata mu tsaya kaxai wajen azumtar Ramadan ba, sabo da haka ga qarin wasu azumin na Nafila (nafilfili) da ba na watan Ramadan ba, da ya kamata mu lazimce su a tsawon rayuwar mu, don qara inganta lafiyar mu.

Su wadannan azumi na Nafilfili sune; waɗanda Manzon Allah ﷺ ya yi ko ya qarfafa sahabbai da musulmai su riqa yin su. Ana samun lada mai girma da ximbin yawa in muna yin su, sannan kuma zamu samu qarin lafiya, kunga riba biyu kenan, ga Lada ga samun qarin Lafiya, azumin Nafila (Nifilfili) a Musulunci sune kamar haka:

1.     Azumin Litinin da Alhamis

Shi ne azumtar dukkan ranakun Litinin da Alhamis.

Dalilin yinsa: Anas bn Malik ya ruwaito daga Manzon Allah Alaihissalam cewa: “An kasance ana gabatar da ayyuka ga Allah a ranakun Litinin da Alhamis, kuma ina son a gabatar da aikina ina azumi.” [26]

2.  Azumin Ayyaamul Bidh (Ranakun Haske)

Shi ne azumtar ranakun haske na kowanne watan Hijriyya, sune ranakun da 12 da 14 da 15, wato in wata ya raba kenan.

Dalilin yinsa: Abu Hurairah ya ce: Manzon Allah ﷺ ya umarce ni da na yi azumi uku a kowane wata, da sallar duha biyu, da nafila raka’a biyu kafin na kwanta.” [27]

3.  Azumin Ashura da Tasu’a

Wato azumtar ranaku 10 da kuma 9 ko 11 na watan Muharram na kowacce shekara.

Dalilin yinsa: “Azumin ranar Ashura yana kaffarar zunubai na shekara guda.” [28]

Manzon Allah ﷺ ya ce: “Idan na rayu shekara mai zuwa, zan azumci ranar tara (Tasu’a) da goma (Ashura).” [29]

4. Azumin Arafah (9 ga Zul-Hijjah)

Shi ne Azumtar ranar Arfa wato ranar 9 ga Zul-hijja na ko wacce shekara, amma wanda ya ke cikin aikin Hajji, ba zai yi azumi a ranar Arafah ba.

.

Dalilin yin sa: “Azumin ranar Arafah yana kaffarar zunubai na shekarar da ta gabata da ta gaba.” [30]

Saboda faxin Manzon Allah tsira da amincin Allah su tabbata a gareShi cewa:

صيامُ يوْمُ عرفَة أحْتَسبُ على اللهِ أنْ يُكفر السَنة التِى قَبْلهُ، والسّنة التى بَعْدَهُ.

Annabi tsira da amincin su tabbata a gareShi ya ce: Azumin Ranar Arfa ina sa ran Allah zai gafarta zunubin da ya gabata da kuma wacce ta ke tafe. Muslim (1162)

5. Azumin Watan Sha’aban

Manzon Allah ﷺ yana azumta da yawa daga watan Sha'aban.

“Yana azumtar (kusan) duk watan, sai in ce ba zai bar shi ba.” [31]

6. Azumin Annabi Dawud (Azumi Mafi alheri)

Azumin Annabi Dawud: shi ne a Azumci rana ɗaya, sai a huta a rana ta gaba.

Manzon Allah Alaihissalam yace: “Mafi alherin azumi a wurin Allah shi ne azumin Annabi Dawud...” [32]

7- Azumin Sitta Shawwal

Wato azumtar kwana shida a watan Shawwal.

Dalilin yin sa: Manzon Allah Alaihissalam yace: “wanda ya azumci Ramadan ya bishi da shida a watan shawwal, kamar ya azumci zamani ne”

8- Azumin Gwagwaye

 Ana son waxanda basu da aure wato (Gwagware) su yawaita yin azumi

Dalili: Annabi Alaihissalam yace: “Wanda bai samu damar aureba na horeshi da yin azumi domin kariya ce a gare shi”[33]

9. Azumin Watan Rajab

Ana son yawaita azumi a cikin watan rajab’

Domin Manzon Allah Alaihissalam yace da Mujibaul bahily: “Ka azumci watanni masu alfarma (4) ya isa. Watan rajab yana cikin watanni 4 masu alfarma.

 

Kamar yadda muka ji qarin ranakun da ake son a azumumta tare da Hadisan Manzo Alaihissalam da suka yi nuni da yin su, zamu fahimci yadda addinin Musulunci yak e qarfafar musulmi da yin azimi, domin lafiyarsu ta qara ingantuwa.

 

 

BABI NA GOMA SHA XAYA

Hukumcin Azumin ‘Ya Mace

Kamar yadda shari'a ta xora yin azumi akan namiji, haka ta xorawa ‘ya mace yin sa, na Ramadanu ne ko na nafilfilu kamar yadda muka kawo su a babin da ya gabata, amma kuma shari'a ta rawangwantawa mace game da yin azumin a wasu wurare ko kuma ace awasu lokuta, wannan saboda kasancewar mace mai rauni ta fanin shari'a.

Don haka duk wanda watan Ramadan ya riske shi amma ya tsufa tukuf, ko kuma mara lafiya dake a kwance, da ba'a sa ran zai warke daga rashin lafiyar, mace ko namiji, to ko wanne daga cikin waxannan zai sha azumin, amma zai ciyar da miskini xaya rabin sa'i, ma'ana mudu biyu na galibin abincin qasar, amaimakon ko wace rana, wacce ya sha azumi acikin ta. kamar yadda Allah maigirma da daukaka ya bayyana cikin suratul bakara aya ta 184.

To anan ma mace shari'a ta bata damar shan azumi saboda waxansu uzururuka waxanda ke faruwa agareta waxanda basa faruwa ga da namiji, wadannan uzururruka sune kamar haka:-

 

 

1. Jinin Haila Da Jini Biqi:-

Ya haramta ga mace mai jinin biqi ko na haila tayi azumi, amma kuma wajibi ne ta rama azumin a wasu kwanaki da ba na ramadana ba, savanin Salloli su baza ta rama su ba.

Saboda Nana A'isha (Radhiyallahu Anha) tace:- "Mun kasance ana umurtar mu da rama azumi amma ba'a umurtar mu da mu rama salla. Awata ruwayar ta imam muslim yace, "Mu'azatu tace na tambayi Nana A'isha nace saboda me mai haila zata rama azumi amma bazata rama sallah ba, sai tace:- ke 'yar (khawarijawa ce) sai nace ni ba ita ba ce, nadai tambaya nai kawai, sai ta ce dani hakan na samun mu, sai aka umurce mu da mu rama azumi, amma ba'a umurce mu da mu rama salla ba, kuma ta kara da cewar waxannan al'amura ne da mutum yake tsayawa inda aka tsai da shi, ba ra'ayi ake bi ba, a’a nassi ake bi.

Idan kuma mace taga farar kassa, wato wani ruwa da mahaifa take fitarwa bayan karewar jinin haila, wacce mace ke gane samun tsarkinta idan ta gan ta, to sai ta xaura niyya don xaukan azumi. idan kuwa bata da wata takamaimiyar hanyar samun tsarki sai tayi kunzugu da Auduga ta gargajiya ko 'yar kanti, ko dai wani abu makamancinta kamar tolet paper, idan ta cirota da ganta tsaf babu jinni, to ta tsarkaka kenan, to sai ta xauki azumi, amma kuma idan bayan ta dauki azumi sai jinin ya dawo mata a wannan ranar, to sai ta sha azumin, amma idan bata sha ba sai jinin ya dauke kafin magariba, to azuminta ya ingan ta. Sa'annan matar da taji alamar fitowar jinin haila amma sai bai fito ba, sai bayan magariba to ita ma azumin ta yayi.

Matar da take haila sai jinin ta ya dauke tun dare, to sai tayi niyar yin azumi, in kuma ta kasance bata yi wanka ba har alfijir ya keto to azumin ta ya ingan ta, bisa mazhabar daukacin malamai.

Matar da tasan cewar gobe ne jini zai zo mata, amma sai ta tashi da azumi to ba zata ci abinci ba har sai idan jinin ya zo mata, sannan sai ta sha azumin, idan kuma bai zo mata ba sai taci gaba da azuminta.

Mai biqi (wacce ta haihu) idan ta samu tsarki kafin kwanaki Arba'in da haihuwar ta, to sai tayi wanka tayi niyyar azumi, hakanan idan jinin ya haura kwanaki Arba'in bai dauke ba, to sai ta dauki jinin a matsyin jinin istihada (wato jinin cuta), sai dai kuma idan jinin ya yi dai dai da lokacin al'adarta wadda take yi duk wata, to wannan kam sai ta xauke shi amatsayin jinin haila.

2. Mace mai ciki da mai shayarwa:- Ita ma mace mai ciki ko mai shayarwa idan har yin azumi gareta zai cuce ta, ko ya cuce jaririn ta, ko kuma duka su biyun zasu cutu, to ita ma anyi mata rangwame akan ta sha azumi a cikin halin cikin ko shayarwar.

Amma kuma idan yin azumin zai cutar da jaririn ta ne kawai ban da ita, to zata rama azumin kuma ta ciyar da miskini xaya maimakon azumin da duk ta sha a duk lokacin da tazo ramawa, amma idan yin azumin zai cutar da ita ne ita kadai to zata rama azumin kawai banda ciyarwa.

Domin Ayar da ke yin bayani akan wanda ke iya yin azumi amma da kyar to lallai akwai mace mai ciki da mai shayarwa idan suka jiwa kansu ko jaririn su tsoron cutuwa.

Don haka zance mafi rinjaye anan shine, an yiwa mace mai ciki da mai shayarwa kiyasin marar lafiya, don haka ya halatta da su sha azumin kuma ba su da kaffara, sai dai ramuwa, ya Alla suna jiwa kan su tsoro ko suna jiwa 'ya'yan su tsoro.

Hujjar wannan itace ruwayar Imamu Tirmizi yace: Annabi Alaihissalam yace: Allah madaukakin sarki ya xaukewa matafiyi wani yanki na azumi (wanda ya sha alokacin tafiyar sa) da wani yanki na sallah (yana nufin yin qasaru) kuma ya daukawa mace mai ciki, da mai shayarwa yin azumi. [34]

Amma sai ta nemi shawara daga sahihin likita, kamar yadda muka kawo abaya.

3. Jini Rashin Lafiya:- ko kuma jinin ISTIHADHA macen da jini yake zuwar mata bana haila ba, azumi wajibi ne akan ta, bai halatta ta sha azumi saboda wannan jinin ba, domin shi jinin rashin lafiya ne kamar zuwan kumallo ne, ko fitar jini saboda rauni, ko fitar ruwan kurji, duk waxannan abubuwa ne waxanda basu da lokaci kayyadadde na zuwan su, ballantana ace mace tabar azumi domin su, ma'ana zuwan su ba zai hana mata yin azumi ba.

4. Matar Aure:- Bai Halata ga matar aure tayi azumin Nafila ba, alhali mijin ta na gida sai da izinin sa, ko idan baya gari ya yi tafiya, amma kuma ban da na ramadan, macen da azumi ya wajaba akan ta, idan ta dauki azumin ramadan sai mijinta ya tara da ita da rana alhali tana xauke da azumin ramadan, kuma bisa yardarta, to dukkan su zasu yi ramuwa da kaffara, amma idan tilasta mata ya yi, tayi iyakar kokarin ta na hana shi, amma bata yi nasarar hana shi ba, to ita babu kaffara a kanta sai dai ta rama azumi.

Amma idan mace tana barci acikin watan ramadan sai mijinta ya tara da ita, to malamai sunce ita ma babu kafara akan ta sai dai ta rama azumi.

Ana so ga mace budurwa ko wacce mijinta ya yi mata izinin yin azumin da ta riqa yawan yin azumin nafila, ko yin azumin mustahabbi (wato abin da aka so) da kuma yin azumin a ranakun litinin da Alhamis, da (kamar yadda muka kawo su a baya), sai dai kuma bai kamata a gareta da tayi azumin nafila ba, alhali ana binta ramuwar wani azumin, har sai ta rama azumin da ake bin ta.

Haka kuma ya kamata ga duk matar da ta san cewa mijin ta baya iya danne sha'warsa a duk lokacin da dama ta samu, to ta nisanci mijin ta acikin azumi, kuma ta daina yin ado ko kwalliya a cikin watan azumi.

Abin da a ke so agare ki ya ke 'yar'uwa Musulma, idan kina jinin haila to ki zauna bisa al'adarki tayin jini a duk wata, ki yarda da abin da Allah ta’ala ya hukunta agareki, kada kiyi qokarin shan wani abu da zai hana jinin fitowa, ki karvi abin da Allah ya yarje miki, na shan azumin akwanakin haila da yin ramuwar su bayan salla, domin kuwa haka matan Annabi Alaihissalam iyayen muminnai, da matan salihan bayin Allah, suka hakura.Amma idan kika qi, kika sha wani magani domin hana fitar jinin haila a watan azumi, jinin kuwa ya xauke kika samu tsarki kika cika azumin ki cif-cif, batare da kin sha ko xaya ba, to babu kommai amma baki yi koyi da iyayen muminai ba, kuma baki samu ladan yin koyi da salihan bayi ba.

 TSOKACI GA MAI KARATU

Mai karatu mai daraja, wannan littafi an rubuta shi ne domin ya zamar maka jagora wajen fahimtar tasirin azumi ga lafiyar jiki da ta ruhu. A cikin wannan zamani da ake fama da cututtuka daban-daban, rashin nutsuwa da takurawar rayuwa, azumi ya kasance ɗaya daga cikin manyan hanyoyin da Musulunci ya tanadarwa mutum domin gyaran jiki, kwakwalwa da zuciya.

A yayin da kake karanta wannan littafi, ina roqon ka ka buɗe ranka da zuciyarka domin karɓar ilimi cikin natsuwa. Wannan rubutu ba wai kawai ya ta'allaka kan hujjojin addini ba, har ila yau ya tattaro bayanan masana kimiyya na zamani, waɗanda suka tabbatar da hikimar da ke cikin ibadar azumi tun kafin kimiyya ta gano su.

Za ka tarar da wasu abubuwa sun kasance sabbin bayanai gare ka, yayin da wasu kuma ka taɓa jinsu. Amma ba a taɓa yi maka cikakken bayani irin wannan ba. Manufar wannan littafi ita ce ya ɗora ka a kan hanya madaidaiciya ta fahimtar amfanin azumi ga lafiyarka, da yadda zaka iya cin moriyarsa a rayuwarka ta yau da kullum.

Ina qarfafar ka da ka yi amfani da abin da ka koya a nan. domin ilimi ba ya amfanar da mutum sai idan ya yi aiki da shi. Ka yi qoqari ka isar da wannan faɗakarwa ga sauran jama’a, musamman ma ’yan uwanka, da abokanka, da yara da Matasa maza da mata, domin ilimi yana yawaita ne idan aka yaxa shi.

Idan kuma ka samu wani abu da kake ganin ya kamata a qara, ko a gyara ko a qara fayyace shi, ka hanzarta ka sanar da ni. Littafi tamkar gonar noma ne: ana gyarawa, ana qawatawa, ana qara inganta shi lokaci zuwa lokaci.

Allah Ya sanya wannan littafi ya zama haske a gareni da gare ka, Ya kuma biya ka da ladan neman ilimi da aikata abin da ya dace da shi.

Dafatan Allah Ta’ala zai datar damu, ya shiryar damu ya qaramana tsoronsa da biyayya agareshi, ya qara mana Lafiya da zaman Lafiya da kwanciyar hankali a garunmu Kano da sauran garuruwan musulmi. Allah ka qara tsira da aminci ga shugabanmu Annabi Muhammad Sallallahu Alaihi Wasallam, da ahalin gidansa da dukkan sahabbansa, da wadanda suka bishi da kyautatawa har zuwa ranar karshe.

 

Alhamdulillah.

 

 

 

 

Kammalawa

Azumi ibada ce mai fa’idodi masu yawa ga ruhi, da jiki, da kwakwalwa. Wannan littafi ya tattara bayanan malamai, masana kimiyya, da shawarwarin kan abinci (dieticians) domin ilimantar da mai karatu yadda zai yi azumi lafiya da amfani.

A karshe, manufa ita ce:

§ qara sanin hikimar azumi

§ Kula da lafiyar jiki da kwakwalwa

§ Inganta ruhi da halaye na addini

§ Samar da shawarwari masu amfani ga masu azumi da duk mai sha’awar rayuwa lafiya

Ina fatan wannan littafi ya zama tushen qarin ilimi ga al’umma da inganta lafiyar su, kuma Allah ya saka wa dukkan waxanda suka bada gudunmawa wajen kammaluwar wannan littafi da alheri.

Godiya mai tarin yawa ga Mal. Kabiru Zubairu (Kabu)  bisa ga qoqarin da yake wajen ganin wannan littafi yakammala, Allah ya saka masa da mafificin alhairi amin

Wassalamu Alaikum

Auwal Zakari Muhammad Ayagi

(Barden Ayagi)

10 ga Rajab 1447 = 30/12/2025

 

TAQAITACCEN TARIHIN MARUBUCI

An haifi Auwal Zakari Ayagi, (Barden Ayagi) a Unguwar Ayagi, kuma marubuci ne qwararre daga Kano Najeriya wanda ya himmatu wajen rubututtukan Addini, Tarihi, Nishadi da kuma rubututtukan da suke saukaka ilimin fasahar zamani ga al'umma, a harshen Hausa. Yana ɗaya daga cikin marubutan farko-farko da suka rubuta littafi da hausa kan yanda za’a koyi aiki da na’ura mai qwaqwalawa mai taken: “Koyon Kwamfuta a Saukake” Littafin da ke koyar da kwamfuta daga tushe har zuwa matakin amfani da software da Intanet, a cikin harshen Hausa.

• Manufarsa: “Ilimantarwa da Nishaxantarwa da kuma fatan kowa ya iya kwamfuta, ko da ba ya jin Turanci sosai.”

Fitattun Ayyuka

1.  Koyon Kwamfuta a Saukake – Littafi mai koyar da kwamfuta daga tushe har zuwa amfani da software da intanet.

2.  Al-Usmaniyya I & II – Tarihi da zuriyar Mal. Usman Hussaini Ayagi, mai dauke da Hotuna da dukkan sunayen Zuriyar

3.  Tasirin Azimi Ga Lafiyar Xan Adam – Wanda Ya Tattara Bayanan Manyan Malamai Da Likitocin Duniya.

4.  Ruba da Illolinta – Littafi mai ilimantarwa kan haɗarin mu’amala da ruba a Musulunci.

5.  Tarihin Unguwar Ayagi – Littafi mai xauke da cikakke tarihin Unguwar Ayagi ta karamar hukumar Dala.

6.  Hasken Rayuwata – Littafi mai xauke da tarihin Manzon Allah (SAW); Rayuwa, Darussa, da Kyawawan halaye

7.  Aminchi a Zamanin Rashhin Aminci: Littafin Nishaxi da faxakarwa

8.  Sallah da Hukunce-Hukuncenta a Musulunci: Littafin dake bayani akan Sallah da Hukunce-hukuncenta.

9.  Haquri Ginshikin Rayuwar Musulmi – Littafi mai xauke da cikakke bayani akan Haquri da mahimmancin sag a dukkan musulmi.

Manufofi

• Auwal Zakari Ayagi na da burin ganin dukkan matasa a Arewa da Nijeriya baki ɗaya sun ilimantu da koyarwar Addinin Islama, tare da nishxantuwa sannan su iya amfani da na’urorin zamani kamar: kwamfuta, wayar zamani, da intanet, cikin koyarwa addini

Hanyoyin Sadarwa da Tuntuɓa

§  E-mel: auwalzakari@gmail.com/

§  Facebook: www.facebook.com/auwal.ayagi

§  X (Twitter): @auwalzakari

§  Website/Blog:  www.sautulazmiyyah.blogspot.co.uk/

§  TikTok:  www.tiktok.com/auwalzakariayagi

§  Instagram: @auwalzakari.ayagi

·     GSM: 07038775781, 08023615685

Manazarta (Reference)

1.     Alqur’anil Kareem

2.     Sahih Buhari/Sahih Muslim da sauran sahihan Litattafan Hadisi

3.     Al-talqeenu fil fiqhil Maliky: na Abu Muhammad Abdulwahab Albagadady (Shafi na 171 -185)

4.     Al-Mulakhkhas Al-Fiqhy: na Shaik Salih bn Fauzan Alfauzzan (Shafi 211- 222)

5.     Fatahul Jawad fi Sharhil Irshad: na Alh. Yahuza bn Sa’id bn Muhammad (Shafi na 131-137)

6.           Fung, J. (2016). The Obesity Code: Unlocking the Secrets of Weight Loss. Greystone Books.

7.           Longo, V. D., & Panda, S. (2016). Fasting, circadian rhythms, and time-restricted feeding in healthy lifespan. Cell Metabolism, 23(6), 1048–1059.

8.           https://doi.org/10.1016/j.cmet.2016.06.001

9.           Horne, B. D., et al. (2008). Usefulness of routine periodic fasting to lower risk of coronary artery disease in patients undergoing coronary angiography. American Journal of Cardiology, 102(7), 814–819.

10.      https://doi.org/10.1016/j.amjcard.2008.05.021

11.      Mattson, M. P., Longo, V. D., & Harvie, M. (2017). Impact of intermittent fasting on health and disease processes. Ageing Research Reviews, 39, 46–58.

12.      https://doi.org/10.1016/j.arr.2016.10.005

13.      Mattson, M. P. (2012). Energy intake and exercise as determinants of brain health and vulnerability to injury and disease. Cell Metabolism, 16(6), 706–722.

14.      https://doi.org/10.1016/j.cmet.2012.11.008

15.      Panda, S. (2016). Circadian physiology of metabolism. Science, 354(6315), 1008–1015.

16.      https://doi.org/10.1126/science.aah4967

17.      Longo, V. D., & Mattson, M. P. (2014). Fasting: Molecular mechanisms and clinical applications. Cell Metabolism, 19(2), 181–192.

18.      Fontana, L., & Neel, B. A. (2015). Effect of low-calorie and intermittent fasting on aging and longevity. Current Opinion in Clinical Nutrition & Metabolic Care, 18(4), 401–406.

19.      https://doi.org/10.1097/MCO.0000000000000183

20.      Varady, K. A. (2011). Intermittent versus daily calorie restriction: Which diet regimen is more effective for weight loss? Obesity Reviews, 12(7), e593–e601.

21.      https://doi.org/10.1111/j.1467-789X.2011.00873.x

22.      https://www.health.harvard.edu/blog/intermittent-fasting-surprising-update-2018062914156

23.      https://www.mayoclinic.org/healthy-lifestyle/nutrition-and-healthy-eating/expert-answers/intermittent-fasting.

24.   https://chatgpt.com/c/6978ea2e-460c-8332-8bd0-d6944431d177

---

[1] - Suratul Baqata ayata 183

[2] - Bukhari da Muslim

[3] - Dr. Yoshinori Ohsumi: Kwararren Likita ne dan kasar Jamus, wanda ya lashe kyautar Nobel Prize sabo da binciken da yayi game da azumi.

[4] - Dr. Valter Longo: shi ma masanin kimiyya ne akan kwayoyin halitta da kimiyyar tsufa, yana da asali daga Italita, kuma kwararren masani a Amurka

[5] - Cleveland Clinic: Wata qungiyace da aka kafa a 1921, domin bayar da kulawa ga lafiya, da bincike da kuma horar da ma’aikatan lafiya

[6] - Jam’in Guba

[7] - Suratul Baqata ayata 183

[8] - Bukhari (1894)– Muslim (1151)

[9] - Bukhari (1896)- Muslim (1152)

[10] - Bukhari (2840)- Muslim (1153) – Daga Abu Sa’id al-Khudri

[11] -Ibn Majah (1638) – Tirmidhi (1624, ya ce Hasan Sahih) –         Daga Abu Umamah al-Bahili

[12] – Bukhari (38)– Muslim (760)

[13] – Bukhari (1904) – Muslim (1151)

[14] – Bukhari (1904) – Muslim (1151)

[15] – Tirmidhi (3598) — Hasan

[16] –– Bukhari (1904) – Muslim (1151)

[17] - Suratul Baqata ayata 185

[18] - Suratul Baqata ayata 185

[19] Suratul Nahl, aya ta 12 ko kuma Suratul Ibrahim, aya ta 7

 

[20] Mashahurin Masanin kimiyyar Kwakwalwa ne(Neuroscience) yayi aiki a NIH, ya shahara sosai wajen bincike kan azumi, qwaqwalwa da tsufa.

[21] Likita ce kuma masaniyar kimiyar lafiya, ta shahara a vanbaren abinci da rayuwa (Metabolic health)

[22] Likita ne masanin tiyata ( surgeon)

 

[23] Shine masani kimiyya da ya rubuta littafin (Fasting and Undernutrition) a 1925 littafin yayi bincike sosai akan azumi da yunwa.

[24] (Sahih Bukhari, Sahih Muslim

 

[25] - Suratul Baqata ayata 184

[26] - Tirmizi 747

[27] - Buhari da Muslim suka rawaito

[28] - Sahih Muslim, 1162

[29] - Sahih Muslim

[30] - Sahih Muslim

[31] - Buhari da Muslim

[32] - Buhari da Muslim

[33] - Buhari

[34] - Turmizi