Cikakkun Karatun Alkurani Daga Malamai 30

Ga Wata Kyauta mai tsadar gaske:
Cikakken Karatun Alkur'ani daga bakunan Malamai sama da 30 sai ka zabi wanda kake so, daga Baqara har Nasi.
Ka saurara, kuma ka aika ma wasu su saurara sai mu samu lada tare..
▂▂▂▂▂▂▂▂▂▂▂▂▂▂▂▂▂▂
1- Mahir Almu'aiqili
( http://v.ht/m1hr )
▂▂▂▂▂▂▂▂▂▂▂▂▂▂▂▂▂▂
2- Nasir Al-qatami
( http://v.ht/qtamy )
▂▂▂▂▂▂▂▂▂▂▂▂▂▂▂▂▂▂
3- Yasir Al-Dausary
( http://v.ht/dosri )
▂▂▂▂▂▂▂▂▂▂▂▂▂▂▂▂▂▂
4- Faris Abbad
( http://v.ht/abad )
▂▂▂▂▂▂▂▂▂▂▂▂▂▂▂▂▂▂
5- Sa'ad Al-Gamidi
( http://v.ht/Ghamdi )
▂▂▂▂▂▂▂▂▂▂▂▂▂▂▂▂▂▂
6- Khalid Al-Julail
( http://v.ht/khald-J )
▂▂▂▂▂▂▂▂▂▂▂▂▂▂▂▂▂▂
7- Abdulbasit Abdus Samad
( http://v.ht/abd-basd )
▂▂▂▂▂▂▂▂▂▂▂▂▂▂▂▂▂▂
8- Mahmud Khalil Alhusary
( http://v.ht/mho-hsri )
▂▂▂▂▂▂▂▂▂▂▂▂▂▂▂▂▂▂
9- Muhammad Siddiq Al-Minshawy
( http://v.ht/mnshaoi )
▂▂▂▂▂▂▂▂▂▂▂▂▂▂▂▂▂▂
10- Muhammad At-Tiblawy
( http://v.ht/tblay )
▂▂▂▂▂▂▂▂▂▂▂▂▂▂▂▂▂▂
11- Mishary Al-Afasy
( http://v.ht/afasi )
▂▂▂▂▂▂▂▂▂▂▂▂▂▂▂▂▂▂
12-Su'ud Al-Shuraim
( http://v.ht/saod )
▂▂▂▂▂▂▂▂▂▂▂▂▂▂▂▂▂▂
13- Abdurrahman As-Sudais
( http://v.ht/sdees )
▂▂▂▂▂▂▂▂▂▂▂▂▂▂▂▂▂▂
14- Abdallah Aljuhany
( http://v.ht/johni )
▂▂▂▂▂▂▂▂▂▂▂▂▂▂▂▂▂▂
15- Ahmad Al-Ajami
( http://v.ht/ajmi )
▂▂▂▂▂▂▂▂▂▂▂▂▂▂▂▂▂▂
16- Salah Al-Budair
( http://v.ht/sla7-b )
▂▂▂▂▂▂▂▂▂▂▂▂▂▂▂▂▂▂
17- Hani Ar-Rifa'iy
( http://v.ht/hani-r )
▂▂▂▂▂▂▂▂▂▂▂▂▂▂▂▂▂▂
18- Khalid Al-Qahtany
( http://v.ht/khald-q )
▂▂▂▂▂▂▂▂▂▂▂▂▂▂▂▂▂▂
19- Abubakar As-Shatiry
( http://v.ht/abo-bkr )
▂▂▂▂▂▂▂▂▂▂▂▂▂▂▂▂▂▂
20- Ali Jabir
( http://v.ht/ali-jb )
▂▂▂▂▂▂▂▂▂▂▂▂▂▂▂▂▂▂
21- Muhammad Ayyub
( http://v.ht/mo-aibo )
▂▂▂▂▂▂▂▂▂▂▂▂▂▂▂▂▂▂
22- Taufiq As-Sayig
( http://v.ht/t-saig )
▂▂▂▂▂▂▂▂▂▂▂▂▂▂▂▂▂▂
23- Abdulwadud Haneef
( http://v.ht/hnif )
▂▂▂▂▂▂▂▂▂▂▂▂▂▂▂▂▂▂
24- Abdallah Basfar
( http://v.ht/bsfr )
▂▂▂▂▂▂▂▂▂▂▂▂▂▂▂▂▂▂
25- Abdallah Khayyat
( http://v.ht/kh3t )
▂▂▂▂▂▂▂▂▂▂▂▂▂▂▂▂▂▂
26- Nabeel Ar-Rifa'i
( http://v.ht/hani-r )
▂▂▂▂▂▂▂▂▂▂▂▂▂▂▂▂▂▂
27- Muhammad Al-Lihaidaan
( http://v.ht/l7idan )
▂▂▂▂▂▂▂▂▂▂▂▂▂▂▂▂▂▂
28- Idris Abbakar
( http://v.ht/idr3s )
▂▂▂▂▂▂▂▂▂▂▂▂▂▂▂▂▂▂
29- Abdallah Al-Matrood
( http://v.ht/mtrod )
▂▂▂▂▂▂▂▂▂▂▂▂▂▂▂▂▂▂
30- Muhammad Al-Muhaisiny
( http://v.ht/mhesni )
▂▂▂▂▂▂▂▂▂▂▂▂▂▂▂▂▂▂
31- Ali Alhuzaify
( http://v.ht/hdfi )
▂▂▂▂▂▂▂▂▂▂▂▂▂▂▂▂▂▂
32- Abdulwali Arkany
( http://v.ht/arkni )
▂▂▂▂▂▂▂▂▂▂▂▂▂▂▂▂▂▂
33- Adil Kilbany
( http://v.ht/ada1k )
▂▂▂▂▂▂▂▂▂▂▂▂▂▂▂▂▂▂
√ Idan kana da iphone ko galaxy ka sauke wannan:
http://goo.gl/2ZkHSJ
Allah ya bamu ikon saurare da amfana.

ALAMOMIN TASHIN ALKIYAMA

ALAMOMIN TASHIN AL-QIYAMA GUDA 138

Alqiyamah ta kusanto, ga wa su daga cikin Alamomin ta, wasu sun faru, wasu suna faruwa, wasu za su faru nan gaba.

1. Aiko Annabi (sallallahu-alaihi-wasallam) {ranar litinin, 21/Ramadan/0013bh daidai da 10/August/610m} yana shekara
Arba’in 40 da wata shida 6 da kwana goma sha biyu 12 lissafin wata/ shekara talatin da tara 39 wata uku 3 da kwana ishirin 20
2. Wafatin Manzon Allah (sallallahu-alaihi-wasallam) ranar litinin
12/rabi’ul-Auwal/11ah yana da shekara sittin da uku da kwana hu’du
3. Tsagewar wata
4. ‘Karewar Sahabbai
5. Bu’de Baitil-Maqdis
6. ‘Barkewar Annoba;- mai kama da ciwon dabbobi
7. Bayyanar fitintunu masu yawa
8. Bayyanar tashoshin tauraron ‘Dan Adam
9. Yaqin Siffaini
10. Bayyanar khawarij
11. Masu da’awar Annabta ta qarya
12. Yalwatar Arzi’ki;- Arzi’ki zai yalwata
13. Bayyanar wuta a Hijaz, dutse mai aman wuta
14. Ya’ki da turkawa
15. Bayyanar Azzalumai masu dukan babu dalili
16. Yawan zubar da jini;- kashe-kashe
17. ‘Dauke Amana;- ma su Amana za suyi ‘karanci
18. Koyi da Yahudu da Nasara
19. Baiwa za ta haifi uwargijiyar ta
20. Bayyanar masu shiga tsirara-tsirara (ba sa shiga ta addini)
21. Matsiya ta, Marasa takalma masu kiwon awaki, za su yi yin dogayen gine-gine
22. Yin Sallama ga wanda aka sani kawai;- mutane za su daina yi
wa mutum Sallama sai sun san shi
23. Ya’duwar kasuwanci;- ko ina zai zama kasuwa
24. Mata za suyi tarayya da mazan su a kasuwanci
25. Wasu tsirarun ‘yan kasuwa za su mamaye kasuwanci;- ya
zama ba ayi da kai sai da yardar su
26. Shaidar Zur
27. ‘Boye shaidar gaskiya
28. Yawan Rowa;- mutane za su zama marowata
29. Yanke zumunta
30. Munana maqotaka
31. Ya’duwar laifuffuka
32. Bayyanar jahilci
33. Amincewa maha’inci, da tuhumar mai Amana
34. Mutuwar Mutanen ‘kwarai da Ya’duwar lalatattu
35. Yaki Halal Yaki Haram
36. Rubda ciki akan Baitil-Mali (Asusun-gwamnati)
37. Mayar da dukiyar Amana ganimah
38. Rashin fitar da Zakkah da da’din rai;- mutum ya ga zakka kamar Asara Ce yayi
39. Yin Karatu dan Neman Abun duniya
40. Yi wa mata biyayya da sa’bawa Uwa
41. Fifita Abokai/’Kawaye akan iyaye
42. Hayaniya a masallatai
43. Mafi yawan shuwagabannin Al’ummah za su zama fasiqai
44. ‘Kas’kantattu za su zama manyan gari
45. Girmama mutum don tsoron sharrin sa
46. Za a halatta Zina
47. Halatta Alhariri ga Maza (sa Alhariri ga maza haramun ne,amma za ayi zamanin da za a halatta shi
48. Ya’duwar Kayan maye
49. Ka’de ka’de da raye-raye za su mamaye Al’ummah
50. Masifa da Bala’i za su yi yawa Har mutum ya dinga fatan mutuwa
51. Wani Zamani da mutum zai kwana Mumini ya wuni kafiri;-
saboda mafi yawan maganganu da aiyuka  ba sa kan Shari’ah
52. ‘Kawata Masallatai da yin gasar Hakan (kaji ana Masallacin mu yafi naku kyau)
53. ‘Kawata gidaje da yi musu kwalliya
54. Yawan Saukar Kwarankwatsa da Aradu
55. Yawan Rubuce-Rubuce;- Ya’duwar Rubutuce-Rubuce marasa amfani (jaridu da mujallu, da littafai da internet) ba a tunanin
amfanin rubutun kawai da an rubuta
56. Wanda suka ‘kware a ro’ko da ziga, su suka fi samun ku’di
57. Za shagala da karanta wasu abubuwa a bar Al’qur’ani
58. ‘Karancin Malaman fi’khu da yawan Gardawa
59. Neman Ilimi a wajen ‘kananan mutane;- ‘karamin Mutum
wanda ba ya aiki da ilimin sa
60. Yawan mutuwar ba-zata
61. Shugabancin Wawaye (kuma suna ganin kan su wayaiyu)
62. Lokaci zai dinga sauri
63. Banzaye za su mamaye kafafan ya’da labarai;- Mutumin da ba kowa ba, kuma bai zan komai ba, zai dinga magana kan
abubuwan da suka shafi Al’ummah
64. Ma’daukaki a duniya shine banza ‘dan banza;- kaga ana ta rububin wani wanda bai da amfanin komai saboda wani shirme
da yake Misali;- ‘Yan Bal da Mawa’ka
65. Mai da cikin masallatai Hanyoyi
66. Sadakin Aure zai yi tsada, sai kuma ya zo yai arha
67. Dawakai za su yi tsada sai kuma su zo su yi arha
68. Kasuwanci zai yi sau’ki (ta yadda zaka sai Abu ko ka sayar daga ‘dakin ka, ba tare da ka je ko ina ba) Misali;- yanar gizo
69. Kafiran duniya za su yi taron dangi akan musulmi
70. Mutane za su dinga gudun limanci a cikin Sallah (saboda ba cikakken Albashi)
71. Aukuwar Mafarkin Mumini (in Mumini yai mafarki sai Abu ya faru
72.Yawan ‘karaya
73. yawan gaba
74. Girgizar ‘kasa
75. Yawan Mata
76. ‘Karancin Maza
77. Aikata Sa’bo a fili
78. Mai da karatun Al’qur’ani hanyar Neman ku’di
79. ‘Kiba, mutane za su yi ta ‘kiba mai yawa
80. Bayyanar mutane masu yin shaida tun ba a tambaye su ba
81. Masu Bakance ba sa cikawa
82. Masu ‘karfi za su danne raunana
83.’Rashin Hukunci da Alqur’ani
84. Yawan rumawa da ‘karancin larabawa
85. Ya’duwar ku’di
86. ‘Kasa za ta fitar da taskokin ta
87. Za a dinga shafe halittar wasu mutane suna komawa wata Halitta daban
88. Tsagewar ‘kasa, ta ha’diye mutane
89. Wasu ‘kwarangwazai, duwatsun da ba a San su ba za sudinga fa’dowa mutane aka
90. Yawan ambaliyar ruwa
91. Ruwan ‘bala’i;- wanda ba ya fidda shuka ko tsirrai
92.wata fitina za ta’barke tsakanin larabawa Har ta kusa ‘karar da su
93. Bishiya za ta yi magana don taimakawa musulmi
94. Dutse zai magana don taimakawa musulmi
95. Ya’kin Musulmi da Yahudu
96. Kogin furat zai ‘kafe, a hango Dutsen Gwal a ciki
97. Zamanin da za a yiwa masu addini kallon ba wayayyu ba
98. ‘Kasashen larabawa za su samu ci-gaba mai yawa
99.Bayyanar wata Babbar fitina da zata shafi kowa
100. Bayyanar bakar fitina gama gari sai ta shafi kowa.
101 masifu za suyi yawa birni da kauye
102 Wani zamani zezo sujjada daya tafi duniya da abinda yake cikin ta, saboda karancin masu ibada,
103 Rigima akan ganin wata, saboda wata zai kumbura, ya dinka fitowa babba
104 za a dinka kaura ana komawa yankin Sham. Syria,
105 Yakin duniya tsakanin musulmi da Rumawa (Turawa)
106 Zaa bude yankin Qusdunsuniyya, karo na biyu, bayan na zamanin daular Usmaniyya
107 Zaa dena rabon gado, ( masu karfi su cinye na kanana)
108 Zaa dena farin ciki da samun ganima (saboda wadata tayi yawa)
109 Zaa koma amfani da makamai na gargajiya, saboda na zamani zasu dena amfani,
110 Zaa raya baitul Maqdis, bayan karbo shi daga yahudawa
111 Mutane zasu kauracewa Madina, idan shagala tayi yawa
112 Madina zata kore ashararai daga cikin ta, babu mai jin dadin zaman madina sai mumini
113 Duwatsu zasu gushe daga gurin su, saboda gine-gine na ci gaba.
114 Wani mutum zai fito daga yankin Qahdan na larabawa kuma mutane zasu bishi,
115 Bayyanar wani mutum mai suna Jah,Jah
116 Dabbobin dawa zasuyi magana irin ta mutane, kamar zaki da kura da makaman tansu
117 Tsumagiya ma zatayi magana,( Bulala)
118 Hancin takalmi zaiyi magana,
119 Jikin mutum zaiyi magana (kamar cinyarsa) ya bashi labarin abin da iyalansa suke aikayawa idan bayanan
120 Alkiyama baza ta tashiba sai anyi watsi da musulunci, ba karatu ba aiki.
121 Alkiyama baza ta tashi ba sai an dauke Alkur’ani mai girma
daga cikin takardu, da kirjin mahaddata,
122 Wata bataliyar mayaka zasu tunkari macca da niyar yaki, amma kasa zata hadiye su a hanya
123 Zaa kauracewa zuwa aikin hajji
124 Kabilar kuraishawa zasuyi kadan a duniya
125 Rushe kaabah ta hannun wani mutum daga yankin Habasha
126 Wata iska mai dadi zata dinga dauke ran muminai idan musifa tayi yawa
127 Zaa dinka yin ginai- ginai masu tsawo a Macca
128 Wasu tsinannun mutane, zasu dinka laantar magabata, (Masu zagin sahabbai)
129 Zaa sami kayan hawa na zamani,
130 Bayyanar Ma’hadi,

Manyan alamomi na tashin alkiyama wadanda suke kusa daf da tashin alkiyamaSune:
131: Bayyanar Dujal (babban balain da ake jira)
132: Saukowar Annabi Isah
133: Fitowar Yajuj da Majuj
134 Girgizar kasa (manya manya sau uku a duniya)
135: Hayaki da zai rufe duniya baki daya
136: Bayyanar wata dabba (am fadi kamaninta a hadisai)
137: Rana zata fito ta yamma
138: Wata wuta zata fito ta kora mutane, zuwa filin Mahshar.

ALLAH YA KAREMU DAGA MASIFUN DA SUKE CIKIN WANNAN RANA, YA ALLAH KA KARE MANA IMANINMU........Ameen

HANYOYI 10 NA KARIYA DAGA KURAJEN FUSKA

HANYOYI GOMA DA MUTUM ZAKI KULA DAKANSA DAGA MATSALAR PIMPUS 
(watau kurajen fuska)

(1) Da farko ana so awa biyu kouku kafin ki kwanta barci sai kishafa man goge baki a fuskarki,musamman wuraren da kurajenpimples suke da yawa. Bakowane irin man goge baki za kishafa ba, ana so ki shafa farinman goge baki ne. Idan kin gadama za ki iya wanke fuskarkiidan man goge bakin da kikashafa ya kai minti 30, idan kin gadama kuma za ki iya kwantawada shi har zuwa wayewar gari. Zaki rika maimata hakan har zuwawadansu kwanaki, idan kin yihakan za ki ga canji a fuskarki.

(2) Ki kasance mai yawan shanruwa. Yana da kyau duk inda zaki je ki sanya ruwa a jikin jakarkiba wai dole sai kayan kwalliya ba.Yawanta shan ruwa ba wai zaisanya miki laushin fata ba nekawai, a’a, zai taimaka miki wajenyaki da kurajen pimples din dasuke fuskarki. Haka yana da kyauki guji yawan cin abincingwangwani, kasancewar sunadauke da wasu sinadarai da zasu rika sanya kurajen fuska. Yakamata ki yawaita cin ‘ya’yanitatuwa da suka hada da suabarba da lemu da ayaba dakankana da sauransu.

(3) Ki rika amfani da abinshafawar da ake kira ‘Antiodidentspray’, irin su Jane Iradale daNeutrogenia Rapid Clear da AcneEliminating Spot Gel dasauransu, hakan zai taimaka mikiwajen daidaita man da ke fatarki,wanda masana fata suka ce idanya yi yawa yakan haifar dakurajen fuska.

(4) Ki kasance mai amfani daman ‘Cornmeal’ a fuskarki, yakansanya kurajen fuska su motsesannan a hankali su bace, misaliman shi ne, Intagilo Clear SalCleanser. Sannan ki rika amfanida man da ke hana yaduwarkwayar cutar bakteriya, irinwannan man yakan ratsa kofofinda suke fatar fuskarki da majikinki gaba daya, sannan yanayakar kwayoyin cutar da sukefatarki, a lokaci guda ya daidaitamiki yawan man da yake fitowadaga fatarki. Zai kuma cire mikikwayoyin halittar da suka mutu acikin fatarki. Misalinsu; PhytomerGommage da Luffa-0.

(5) Yana da kyau ki ware watarana ko wadansu ranaku a cikinmako ba tare da kin shafa kayankwalliya a fuskarki ba, hakan zaibai wa fatar fuskarki samun‘yancin shigar da kuma fitar daiska ta kofofinta ba tare da wanicikas ba. Haka idan za ki shafakayan kwalliyar a fuskarki, to ki yiamfani da kayan kwalliyar da basa toshe kofofin fatar fuska.

(6) Ki kasance mai shafa maidomin fatar fuskarki ta kasancecikin danshi, kasancewarwadansu kurajen fuskar sun fibata fuska idan fuska tana bushe.

(7) Yi amfani da man ‘Tea Tree’domin ba wai kawai yana bajekurajen fuska ba ne, a’a yanarage karfinsu da kuma kalarsu. Zaki sami ire-iren wadannan man ashagunan sayar da kayankwalliya na zamani.

(8) Ki kasance mai yin taka tsan-tsan wajen amfani da ire-irenman shafawar da kike amfani dasu a gashin kanki, ma’ana kada kisake ya rika taba fuskarki hakanzai iya haifar miki da kurajenfuska, kasancewar wadansusinadaran an yi su don sutaimaka wa gashin kai ne, donhaka idan suka shiga kofofin fatarfuskarki, sai su haifar miki damatsala.

(9) Ki kasance mai gasa kurajenfuskarki: Duk lokacin da kurajenpimples suka fito miki sai ki samuwani kyalle mai tsafta, sai kitsoma shi a ruwan zafi, ba wandaya tafasa ba, bayan kin tsoma saiki fito da shi, sai ki rika dora shi akan wajen da kurajen suke,sannan ki rika gogawa a hankali,zafin kyallen yakan sa kurajen sumotse daga nan su mutu.

(10) Ki guje yin amfani dahannunki wajen fasa kurajen dasuke fuskarki, domin hakan yanakara yawansu hade da sanyafuskarki ta kara cabewa.

Tasirin Azimi Ga Lafiyar Jiki

TASIRIN AZIMI GA LAFIYAR JIKI

Daga Auwal Zakari Ayagi

Da sunan Allah Mai yawan Rahama Mai yawan Jikai. Tsira da Aminvi su kara tabbata ga fiyayyen halitta Annabi Muhammad Salallahu Alaihi wasallam

A yai da yarda Allah zan dan kawo bayani mai taken:

TASIRIN AZIMI GA LAFIYAR JIKI.

Dafatan zamu amfana da abin da zamu ji kamar yadda na tattaroshi.

Shidai Azumi na wajaba ne a kan mutum mai cikakkiyar lafiya, ta hankali da ta jiki, ba mai raunin lafiya ko yaro ba. Wannan shi ya sa a addinance da kuma a likitance ba kowa ne aka yarda ya yi azumi ba. Duk da haka kuma, akwai marasa lafiyar da azumi kan yi wa amfani sosai wadanda su ma za a yi dan bayanin amfanin azumi a gare su.

Ilimin likitanci ya tabbatar da cewa yin Azimi yana daga mafi muhimmancin hanyar da mutum zai samu lafiya, kuma abu ne na tilas a rayuwar mutum ga wanda yake son lafiyarsa ta inganta.

Hikimar Allah madaukaki ta tabbatar da cewa hatta dabbobi suna barin cin abinci na wasu kwanaki a shekara don samun daidaito a rayuwarsu da lafiyar jikinsu, masu dabbobin sukan dauke shi wani lokaci a matsayin rashin lafiya alhalin lafiyar dabbobin lau. Bincike ya nuna cewa kowace dabba tana da wata marhala da dole ne ta takaita cin abinci a cikinta don samun daidaito a lafiyar jikinta.

Littattafan Hindu, Buda, da Barahima suna dauke da bayanai cike da hikimar yin azumi irin nasu, gwargwadon koyarwar da addinansu suka nuna. Abu Karat da ya zo kafin haihuwar Annabi Isa (A.S) da shekara 500, yana daga cikin mutanen da suka shahara da yin maganin cututtukan mutane ta hanyar sanya su yin azumi.

Don haka ne yin azumi ya zama wani lamari ne na fidirar halittar dukkan halittu masu jiki don samun cikakkiyar lafiyarsu, kuma duk wata halitta mai jiki tana samun wani lokaci da jikin zai tilasta mata dakatar da cin abinci ko da kuwa ta hanyar rashin lafiya ne don samun hutu da annashuwa da sabuwar rayuwa ga kwayoyin halittar jikin.

Karanta cin abinci yana sanya hutun hanji da yake takura ciki da sanya yawan maiko da kiba su taso su kange kirji ta yadda huhu zai kasa numfasawa cikin annashuwa, don haka ne ma mutane da yawa suka samu dama a lokacin azumi don su dawo da kansu daidai da tsara cikinsu da rage kibarsu don samun sa'ida da walwalar jiki.

Akwai bayanai masu yawa na likitanci da suke nuna karantuwar gubar da take a cikin abinci da fitar ta daga jikin mutum sakamakon yin azumi, sai dai da yake ni ba likita ba ne, yana da kyau mu koma wa likitoci mu samu gamsassun bayanai masu yawa. Na tattara bayanai masu yawa kan wannan lamarin, sai dai ba ni da lokacin da zan iya kawo su cikin wannan gajeriyar Mukala ga mai bibiyar ZAMANTAKEWA, amma ina fatan dan kadandin zai wadatar matukar za a iya yin aiki da shi.

Azumi yana taimakawa wurin kona sukari, da mai da yake cikin hanta da jini da fata, don samun lafiyar zuciya. Akwai bayanai masu yawa da likitoci irin su; Mark Pardon, Cases Karyl, Micheal Angilo, Dakta Muhammad Sa'id Suyuti, Dakta Muhammad Arrawi, da sauran manyan likitocin duniya suka yi kan wannan lamarin da yake nuna matukar mahimmanci da wajabcin Azumi ga rayuwar mutum.

Mutumin da yake jahiltar sirrin jikinsa sai ya dauka yunwa zata illa ta shi ne sakamakon yin Azumi, alhalin yana da ajiyayyen sukari da yake samun amfanin jiki a matsayin gulokojin da aka ajiye a hantarsa wanda zai iya amfana daga gare shi tsawon lokaci, sannan sai ya karkata ga ajiyayyun mai da yake jikinsa, wannan shi ne sirrin da ya sanya zamu ga mutum yana iya amfani da ruwa har kwanaki 40. Sai kuma jiki ya koma tara wasu sinadirai sakamakon hakan ya sake amfani da su don gina gabobinsa da daidaita tsarin rayuwarsu a lokacin Azumi.

Sai dai duk da muhimmancin Azumi ba a yarda kuma a wuce gona da iri wurin yunwata kai ba, don haka daidaito shi ne abin nema. Dreanik (a 1964) da masu taimaka masa sun kawo bayanai masu hadari ga jiki idan ya ci gaba da yunwatuwa tsawon lokaci da ya wuce kwanki 30 – 40.

A nan ne zamu ga hikimar shari'ar musulunci da ta yarda mutum ya yi azumi 30 ne kawai. Lallai tafarkin Addinin Manzon Allah (SAW) ne kawai ya yi daidai da ilimi a wannan fagen kamar yadda zamu iya gani.

A nan ne zamu ga kimar fadin jagoran halittu Annabin rahama (SAW) yayin da yake cewa: "Ku yi azumi kwa yi lafiya". Lallai fa'idar yin azumi ga lafiyar jiki ba ta kirguwa, kuma ni'ima ce da Allah ya yi wa dan adam da bai san iyakarta ba, don haka ne littafin Allah yake nuni da cewa: "Don ku gode wa Allah kan abin da ya shiryar da ku…'. Domin ba don ya shiryar da mu ga wannan hanyar ta samun lafiya ba, da babu wani wanda zai iya shiryar da mu gare ta.

Bahasosin Holbrook, Dewey, Wilcod, Shelton, H. Lutzner, Morgulis, da tattaunawar Ecosse, da  makamantansu duk sun tabbatar da cewa; Azumi yana da muhimman abubuwa da babu wai magani da yake da su da suka hada da:

1.      Hutun jiki da dawowa asalin kwayoyin halittarsa.

2.     Dakatar da tsotsar sinadirai da suke ragewa a hanji da zubar da ita domin dadewarta a jiki zai iya mayar da ita guba.

3.     Dawo da ayyukan gabobi da nishadinsu da daidaita ayyukansu.

4.     Narkar da sinadaran da suke kari ne a jiki da kona su.

5.     Dawowa da rayuwar kwayoyin jiki da samartaka.

6.     Kiyaye daidaiton karfin jiki.

7.     Gyara gabobin narkar da abinci a jiki.

8.     Bude kwakwalwa da kara hazaka.

9.     Tsaftace da tsarkake fata.

10.   Daidaita bugawar jini da narkar da kitse.

Da sauran abubuwa da ba a kawo su ba.

Don haka ne tun da har zuwa yau, kwararrun likitoci suka yi maganin manyan cututtuka ta hanyar yin Azumi. Wannan yana kara mana imani da dokokin da Manzon Allah mai daraja da gaskiya ya zo mana da su yayin da yake cewa: "Uwar hanji ita ce gidan dukkan cuta, kariya (riga kafi) ita ce babban magani".

Mutumin da yake son zaman lafiyarsa daram shi ne wanda zai lura da me yake ci, yaushe zai ci, yaya zai ci, nawa zai ci, da sauran mas'aloli irin wannan.

Don haka Annabin rahama (SAW) ya karbi kyautar Mariya daga Mukaukis na Masar, amma ya mayar da likitoci, yana mai ba shi amsa da cewar; Mu mutane ne da ba ma ci sai mun ji yunwa, kuma idan muka ci ba ma cika ciki. Sai wannan ya zama wata fomula mai daraja da likitocin Masar suka yi riko da ita a wancan lokaci suna mamakin wannan hikimar da suka yi amfani da ita wurin warkar da cututtukan da suka addabi al'ummarsu.

Haka nan likitoci sukan tilastawa wanda za a yi wa wata babbar tiyatar aiki ko ba ta hanji ba, a ce ya yi azumi kafin tiyatar saboda a lokacin jiki ya samu ya huta daga duk wata hayaniyar yau da kullum ta stress da sauransu. Sai an dora mutum a teburin tiyata ne kawai ake sa masa ruwan sukari.

Ita kuma hanta kan fito da abincin da ta tara (irinsu sinadaran glycogen da fatty acid na kitse) don jiki ya sarrafa su zuwa sukari wanda yake ba da kuzari na dan wani lokaci don amfanin jiki, domin ita hantar ta fara shirin ajiye sabo.

Haka nan ban da wadannan sinadarai akwai gubar da ke cikin hantar da ake fitarwa tare da su wadannan sinadarai. Wannan ma kadai kan kara lafiyar hanta.

Hakanan masu cutar hawan jinni, hawan jini kan kara sassaituwa a wasu mutanen yayin azumi, kamar yadda binciken masana da dama yakan nuna. Misali, wani likita dan kasar Amurka mai suna Dr. Goldhamer da ya kware a bincike kan azumi, ya yi nazarin amfanin azumi ga masu hawan jini. A cikin mutane masu hawan jini da ya gwada yayin da suke yin azumi, kashi 98 cikin 100 ba su bukaci magungunansu ba a tsawon ranakun da suka dauka suna azumi na wasu awoyi, wato azumi kawai ya sassaita hawan jinin nasu. Amma dai hakan ba ya nufin mutum ya ajiye maganin ya daina sha gaba daya, sai likita ya auna ya ce a huta.

Sai kuma masu ciwon suga, su ma azumi kan sassaita yawan sugan jikinsu, sai dai akan shawarce su da su rika yin amfani da na’urar auna suga a kullum saboda sugar zai iya yin kasa sosai su galabaita. Sai dai ana so mai ciwon suga mai amfani da allurar insulin ya shawarci likitan da ke ganinsa ko zai iya azumi, kuma ta yaya zai sassaita allurar saboda bambancin lokacin cin abinci.

Ga masu shan miyagun kwayoyi da taba sigari, azumi na daya daga cikin hanyar horar da kwakwalwa barin sabo da su. Ga mai so ya daina wannan dabi’a, azumi zai iya taimakonsa kwarai da gaske.

Amma kuma akwai wadansu larurori wadanda a addinance ba a dora wa masu su azumi ba, a likitance ma haka. Wadannan sun hada da marasa lafiyar da sai an kwantar an tayar wadanda basu san halin da suke ba, da wadanda suke kwance ake yi wa karin ruwa, tun da ruwan da abinci a ciki, da masu cututtukan da magungunansu dole a sha duk bayan ’yan awoyi da masu gyambon ciki da dai sauran ire-irensu.

Masu juna biyun ko masu shayarwa su ma sukan galabaita ko su ba abin da suke dauke da shi wahala, idan suka yi azumi. Akwai dai masu irin wadannan larurori da ke bukatar fatawa ta malamai makusanta da su don a tabbatar za su iya azumi ko akasin haka.
Wannan shine kadan daga dan abin da na binciko, dafatan zamu amfana da wannan dan takaitaccen bayani.

Wassalamu Alaikum Warahamatullah

Musha Ruwa Lafiya.
2ga Ramadan 1438
28/5/2017

Auwal Zakari Ayagi
07038775781
auwalzakari@gmail.com

Gabatar da Shafi

Da sunan Allah Mai yawan Rahama Mai jin kai

Tsira da Amincin Allah su kara tabbata ga shugaban mu Annabi Muhammad dan Abdullahi cikamakin Annabawa, limamin manzanni, ka hada da Dukkan SahabbansSa da Ahalin gigansa da matayenSa da dukkan wadanda suka bishi da kyautatawa har zuwa ranar karshe.

 Bayan haka munsamar da wannan shafi ne don gabatar da mukaloli da suka shafi addinin Islama da wadanda suka shafi Lafiya, dafatan Allah yayi mana jagora Ameen.

Muna maraba da gudunmawa daga gareku.

Auwal Zakari Muhammad Ayagi
Chairman
Al'azmiyyah Islamic Foundation Kano State Nigeria

BAYANI AKAN CIWON ASMA

CIWON ASMA

Ciwon asma wani ciwo ne na hanyar numfashi dake janyo matsalar rashin yin numfashi yadda ya kamata. Yakan janyo matsalar rasa rai ma a wasu lokutan idan abin yayi tsanani. Yawanci gadon ciwon ake, kuma wanda ya gada zai iya zama lafiya lau na tsawon wani wani lokaci kafin a gane, wato kenan yakan iya faruwa kusan ga kowa daga kowane mataki na shekaru har zuwa karshen rayuwa.

Amma a lokacin da ciwon ya motsa, kafofin shigar iskar numfashi na makogaro a jikin dan Adam kan rufe ta yadda za’a samu nauyi ko rashin dadin yin numfashi. Huhu zai samu karancin iskar da ta dace ya shaka.

Matsalar asma tana cikin matsalolin da kan hana mai fama da ita rayuwarsa ta yau da kullum, kamar zuwa aiki a ofisoshi, ko gona, ko kuma makaranta, idan dalibi ne. Asma har ila yau kan hana iyali barci isasshe da dare, kuma lokaci da dama iyaye kan rasa yin aiki da rana saboda cutar asmar ‘ya’yan su.
Su Wa Kan Yi Fama Da Cutar Asma?

Asma tana shafar kowane jinsi na mutane, farare ne ko bakaken fata, kuma a kowane mataki na shekaru cikin kowace kabila. Amma an yi amanna cewa mutane matalauta ne suka fi yawa wajen fama da wannan matsala.

Shin Wani Na Iya Daukar Cutar Daga Wani?

A’a. Asma bata yaduwa daga wani zuwa wani kamar ta hanyar barci a daki daya da mai cutar, ko cin abinci a kwano daya ko shakuwa tare da mai cutar kamar majinyaci marar lafiya, ko ta auratayya.

Shin Ko Ana Gadon Cutar?

Kwarai kuwa bincike ya nuna cewa akwai yiwuwar gadon cutar tsakanin iyalai madanganta kamar daga kakanni ko iyaye ko yayyen uwa ko na uba, ko dai daga wasu dangi na kusa.

Alamomin Asma

Alamomin asma ba a boye suke ba, kuma sun hada da:

1. Wahala a lokacin numfashi wato a rika yi sama-sama, hade da jin wata irin kara numfashin
2. Matsanancin tari
3. Qaruwar fitar ruwan hanci, ba lalle ne a ga majina ba
4. Tsukewa ko daurewa da rashin jin walwala a kirji

Abubuwan Dake Tada Ciwon Asma

Tunda mun ce asma a kwance take tashi take jefi-jefi, an yi amanna wadannan abubuwan da zamu lissafa suna cikin muhimman abubuwan dake tayar da ciwon. Saboda haka yana da kyau a dauki matakin kariya daga su, kuma kowane mai asma ya kamata ya san me yake tayar masa da nasa, ya kiyaye shi, domin kowa da nashi abinda ke tayar da ciwon.

1. Gashin mage (idan ya bi iska aka shake shi)
2. Shakar iska mai tsananin sanyi
3. Shan taba sigari
4. Kayan rini
5. Kurar karmami
6. Hayaki kamar na wuta ko na janareto
7. Kamshin turare a wasu
8. Kura

Gwajin Cutar Asma

A mafi yawan lokuta likitoci kan gane ciwon asma ta tambayoyi da sauraron karar numfashi a huhun mai matsalar, don haka ba sai sun jira gwaje-gwaje ba suke cewa ko akwai asma ko babu. A wasu lokutan akan bukaci wadannan gwaje-gwaje domin tantance karfin matsalar da nemo wasu matsalolin na daban

* Awon numfashi (spirometry) inda akan binciki yawan iskar dake shiga da fita a huhu
* Hoton kirji
* Gwajin majinar kirji (sputum)
* Awon kwayoyin jini

Yadda Za’a Rage Ko Kawar da Cutar

Cutar asma kan sa a rasa rai idan ba’a dauki matakin da ya dace ba idan ta tashi. Yana da kyau iyali su lura cewa makasudin maganin cutar asma shine:

    * A kawar da dukkan alamominta
    * A dawo da numfashi dai-dai
    * Yana da kyau a san magungunan cutar
    Shan magani kamar yadda likita ya bayyana
    * A san abubuwan dake haddasa cutar asma kamar yadda aka zayyana a sama, sannan a kawar da su ko a rage su a muhalli

Abubuwan Daya Kamata A Yi A Lokacin Da Ciwon Ya Tashi

    * Abu na farko shine mutun yayi kokari ya natsu, kada ya tayar da hankalinsa
    * A sha maganin da aka tanada da gaggawa
    * A mafi yawan lokuta maganin na shaka ne, don haka mutum ya tabbatar ya je an koya masa yadda ake shaka, kada yayi aikin baban-giwa
    * Mutun ya daure yayi ta numfashi sannu-sannu lokacin da ciwon ya tashi
    * Idan magungunan basu sa matsalar ta lafa ba, a garzaya asibiti mafi kusa

Ire-Iren Magungunan asma

Akwai magunguna shahararru masu kwantar da ciwon nan take da masu kiyaye tashin ciwon wanda idan mutun ya je asibiti ana rubuta masa, qwayoyi kenan.

Sa’annan akwai wadanda ake shaka ko kuma zuqa ta baki (inhalers) wakanda ke aiki cikin gaggawa, suma ana iya rubutawa mutum ya saya. Suma iri biyu ne, akwai mai kwantar da ciwon in ya tashi, akwai kuma mai kiyaye tashin ciwon. Likita zai rubuta duk wadanda suka dace.

Allah ya karemu da Lafiya.
Gudunmawar Al'azmiyyah Islamic Foundation
Kani State